भारतीय क्रिकेट संघाने पाचव्या आणि शेवटच्या T20 सामन्यात ऑस्ट्रेलियाचा सहा धावांनी पराभव केला. यासह भारताने मालिका 4-1 ने जिंकली. टीम इंडियाने चौथा सामना जिंकून मालिका खिशात घातली. बेंगळुरूच्या एम चिन्नास्वामी स्टेडियमवर खेळल्या गेलेल्या शेवटच्या T20 सामन्यात, ऑस्ट्रेलियाने विजय मिळवण्याचा प्रयत्न केला, जेणेकरून दौरा चांगल्या पद्धतीने संपेल. पण तसे होऊ शकले नाही. एकेकाळी ऑस्ट्रेलियन संघ आपल्या उद्दिष्टात यशस्वी होताना दिसत होता, पण अर्शदीप सिंगने शेवटच्या षटकात अप्रतिम गोलंदाजी करत संघाच्या आशा पल्लवित केल्या.
भारताने प्रथम फलंदाजी करताना श्रेयस अय्यरच्या 53 धावा आणि अक्षर पटेलच्या 31 धावांच्या जोरावर 20 षटकात 8 गडी गमावून 160 धावा केल्या. ऑस्ट्रेलियन संघ संपूर्ण षटके खेळून केवळ 154 धावा करू शकला आणि सामना गमावला. पण एकेकाळी या संघाचा विजय निश्चित दिसत होता. शेवटच्या षटकात 10 धावा हव्या होत्या आणि ऑस्ट्रेलिया या धावा काढेल असे वाटत होते, पण अर्शदीपच्या भेदक गोलंदाजीसमोर हे होऊ शकले नाही.
या मालिकेत ऑस्ट्रेलियन संघाचा कर्णधार मॅथ्यू वेड शेवटच्या षटकात क्रीझवर होता. वेड त्याच्या झंझावाती फलंदाजीसाठी ओळखला जातो. या 10 धावा त्याच्यासाठी फार मोठी गोष्ट नव्हती. मात्र अर्शदीप सिंगने त्याला बांधून ठेवले. पहिला चेंडू अर्शदीपने बाउन्सर टाकला ज्यावर वेड चुकला. या चेंडूवर वेडने वाइड मागितला, जो अंपायरने फेटाळला. दुसऱ्या चेंडूवर अर्शदीपने यॉर्कर टाकला. यावरही एकही धाव झाली नाही. तिसऱ्या चेंडूवर वेडने मोठा फटका खेळण्याचा प्रयत्न केला, पण यावेळी त्याने चेंडू अय्यरच्या हातात गेला. चौथ्या चेंडूवर जेसन बेहरेनडॉर्फने एक धाव घेतली. पाचव्या चेंडूवर चौकार येऊ शकला असता, पण चेंडू अंपायरला लागला आणि थांबला. यावर एकच धाव आली. येथे टीम इंडियाचा विजय निश्चित झाला. शेवटच्या चेंडूवर एक धाव आली आणि अर्शदीपने आपल्या अप्रतिम गोलंदाजीने भारताला विजय मिळवून दिला.
मात्र, या सामन्यात अर्शदीप भारताचा सर्वात महागडा गोलंदाज ठरला. त्याने चार षटकांत 40 धावा देत दोन बळी घेतले. पण जेव्हा संघाला त्याची सर्वात जास्त गरज होती आणि कर्णधार सूर्यकुमारने सोपवलेले काम त्याने केले, ते म्हणजे शेवटच्या षटकात 10 धावा वाचवल्या. अर्शदीपने या मालिकेत चार सामने खेळले, ज्यात तो चार विकेट घेण्यात यशस्वी ठरला.