भारतीय रेल्वे जगातील सर्वात मोठ्या रेल्वे नेटवर्कपैकी एक आहे. याद्वारे दररोज कोट्यवधी लोक त्यांच्या गंतव्यस्थानी पोहोचतात. काहीवेळा तुम्हाला प्रवासादरम्यान काही समस्यांना सामोरे जावे लागू शकते. अशा परिस्थितीत, समस्यांचे त्वरित निराकरण करायचे असेल, तर तक्रार करण्याचे अनेक मार्ग आहेत. आम्ही तुम्हाला सांगतो की, रेल्वेने प्रवाशांच्या सोयीसाठी एक वेगळे अॅपही तयार केले आहे. या अॅपवर कोणताही प्रवाशी त्याच्या ट्रेन प्रवासाशी संबंधित कोणत्याही प्रकारची तक्रार करू शकतो. रेलमदद असे या अॅपचे नाव आहे.
या अॅपचे नावच मदद आहे, त्यामुळे हे अॅप आपल्या प्रवाशांना शक्य तितक्या सर्व प्रकारे मदत करते. यावर तुम्ही प्रवासादरम्यान येणाऱ्या कोणत्याही समस्येची तक्रार करू शकता आणि तुमची समस्याही दूर केली जाईल.
काय आहे RailMadad अॅप ?
तुम्ही तुमच्या फोनमध्ये RailMadad अॅप इन्स्टॉल करू शकता. तुम्ही मोबाईल आणि वेब प्लॅटफॉर्मद्वारे तक्रार दाखल करू शकता. हे अॅप रिअल-टाइम फीडबॅक तपासते आणि त्याचे समाधान देखील शोधते.
- RailMadad अॅपवर तुमच्यासाठी अनेक सुविधा उपलब्ध आहेत
- तुम्हाला वैद्यकीय समस्या किंवा सुरक्षा समस्या असल्यास, तुम्ही त्याबद्दल तक्रार करू शकता.
- दिव्यांग व्यक्ती आणि महिलांच्या सुरक्षेसाठी विशेष काळजी घेतली जाते.
- ट्रेनमध्ये किंवा रेल्वे स्टेशनशी संबंधित कोणत्याही प्रकारची तक्रार तुम्ही सहजपणे करू शकता. यामध्ये ट्रेनच्या आतल्या वॉश बेसिनमध्ये हात धुण्यासाठी पाणी येत नसेल, तर अशा अनेक समस्यांबाबत तुम्ही लगेच तक्रार करू शकता. एवढेच नाही, तर तुमची समस्याही लवकरात लवकर सोडवली जाईल.
- याचा अर्थ तुम्ही रेल्वेशी संबंधित प्रत्येक प्रकारची तक्रार करू शकता.
या क्रमांकावरही नोंदवता येईल तक्रार
तुम्हाला ट्रेनच्या आत किंवा बाहेर कोणत्याही प्रकारची समस्या असल्यास, तुम्ही हेल्पलाइन नंबर 139 वर कॉल करू शकता. भारतीय रेल्वेचा हा हेल्पलाइन क्रमांक इंटरएक्टिव्ह व्हॉईस रिस्पॉन्स सिस्टम (IVRS) वर आधारित आहे. यावर तुम्हाला सुरक्षा, वैद्यकीय आणीबाणी, चौकशी, रेल्वे अपघाताशी संबंधित माहिती, खानपान आणि सामान्य तक्रारी अशा सर्व सुविधा एकाच ठिकाणी मिळतील.