आजकाल प्रत्येकजण प्रत्येक लहान-मोठ्या पेमेंटसाठी डिजिटल पेमेंट मोड वापरतो. घरी लागत असलेल्या भाज्या असोत किंवा रेशन असो, लोक ते ऑनलाइन खरेदी करत आहेत किंवा किमान त्याचे पैसे ऑनलाइन देत आहेत. त्याच वेळी, अनेक लोक असे आहेत, जे घरखर्चासाठी पत्नीच्या खात्यात पैसे ट्रान्सफर करतात. आता घरातील रेशन, भाजीपाला, दुधाचे बिल, कागदाचे बिल, पाण्याचे बिल, मोलकरणीचा पगार अशी प्रत्येक छोटी-मोठी कामे जोडली, तर दर महिन्याला घरखर्चाच्या नावाने चांगली रक्कम पत्नीच्या खात्यात पोहोचते. त्यामुळे लोकांच्या मनात प्रश्न आहे की, यासाठी पत्नीलाही आयकर भरावा लागणार का?
तुमच्याही मनात हाच प्रश्न असेल, तर जाणून घेऊया की तुम्ही कर न भरल्यास तुम्हाला आयकर विभागाकडून तुम्हाला येऊ शकतो का नोटीस? चला तुमचा संभ्रम दूर करूया…
जर तुम्ही तुमच्या पत्नीला घरखर्चासाठी पैसे हस्तांतरित केले, तर पत्नीकडून कोणताही कर आकारला जाणार नाही. याचा अर्थ आयकर विभागाकडून पत्नीविरोधात कोणतीही नोटीस येणार नाही. याचे कारण म्हणजे पतीच्या पैशावर कर आकारला जात आहे आणि एकाच पैशावर दोनदा आयकर लावता येत नाही. घरखर्चासाठी पत्नीला दिलेला पैसा पतीची कमाई मानला जाईल आणि त्यावर कर आकारला जाईल.
आता पतीकडून पत्नीला घरखर्चासाठी मिळालेले पैसे कुठेतरी गुंतवले, तर त्यातून मिळणारे उत्पन्न करपात्र ठरेल. म्हणजेच, जर पत्नीने घरखर्चानंतर उरलेले पैसे एफडीमध्ये जमा केले किंवा शेअर मार्केटमध्ये किंवा इतर कोठेही गुंतवले आणि त्यातून काही पैसे कमावले, तर ते पत्नीचे उत्पन्न मानले जाईल. तथापि, पत्नीला देखील सर्व कर सवलतींचा लाभ मिळेल, परंतु तिला आयटीआर भरावा लागेल.
आयकर कायद्यातून पाहिले, तर पत्नीला दिलेले पैसे हे गिफ्ट मानले जाते. पत्नी नातेवाईकांच्या श्रेणीत येते, त्यामुळे पत्नीला दिलेल्या पैशावर कोणताही कर नाही. तथापि, पतीला देखील यावर कोणतीही कर सूट मिळणार नाही. याचा अर्थ असा की पत्नीला कर भरावा लागणार नाही आणि त्याच वेळी पतीचे कर दायित्व राहील आणि त्याला त्याच्या स्लॅबनुसार कर भरावा लागेल.