NET परीक्षेचे 2023 चे वेळापत्रक विद्यापीठ अनुदान आयोगाने (UGC) जाहीर केले आहे. UGC NET 2023 परीक्षेसाठी अर्ज करणाऱ्या उमेदवारांसाठी विषयनिहाय वेळापत्रक जाहीर करण्यात आले आहे. UGC NET या परीक्षेसाठी अर्ज करणारे उमेदवार ugcnet.nta.ac.in या अधिकृत वेबसाइटला भेट देऊन परीक्षेचे वेळापत्रक तपासू शकतात.
UGC NET डिसेंबर सत्र परीक्षेसाठी नोंदणी प्रक्रिया 30 सप्टेंबर 2023 रोजी सुरू झाली. यासाठी अर्ज करण्यासाठी उमेदवारांना 31 ऑक्टोबर 2023 पर्यंत मुदत देण्यात आली होती. तुम्ही खालील स्टेप्स फॉलो करून परीक्षेचे वेळापत्रक तपासू शकता.
कसे तपासायचे UGC NET परीक्षेचे वेळापत्रक
- परीक्षेचे वेळापत्रक तपासण्यासाठी सर्वप्रथम तुम्हाला ugcnet.nta.ac.in या अधिकृत वेबसाइटवर जावे लागेल.
- वेबसाइटच्या मुख्यपृष्ठावरील सार्वजनिक सूचना लिंकवर क्लिक करा.
- यानंतर UGC-NET डिसेंबर 2023 च्या परीक्षेच्या वेळापत्रकासाठी सार्वजनिक सूचनेच्या लिंकवर क्लिक करा.
- पुढील पानावर तुम्हाला चेक शेड्यूल्डच्या लिंकवर जावे लागेल.
- परीक्षेचे वेळापत्रक PDF स्वरूपात उघडेल.
- परीक्षेचे वेळापत्रक तपासा आणि पुढील संदर्भासाठी प्रिंट ठेवा.
येथे थेट लिंकवरून UGC NET December Exam 2023 Schedule चेक करा
जाहीर केलेल्या वेळापत्रकानुसार, पहिल्या दिवशी म्हणजे 6 डिसेंबर 2023 रोजी इंग्रजी आणि इतिहासाचे पेपर अनुक्रमे शिफ्ट 1 आणि 2 मध्ये घेतले जातील. दुसऱ्या दिवशी, 07 डिसेंबर 2023 रोजी, वाणिज्य परीक्षा पहिल्या शिफ्टमध्ये घेतली जाईल आणि संगणक विज्ञान आणि ऍप्लिकेशन परीक्षा दुसऱ्या शिफ्टमध्ये घेतली जाईल. तत्वज्ञानाची परीक्षा 8 डिसेंबर रोजी शिफ्ट 2 मध्ये घेतली जाईल. राज्यशास्त्राची परीक्षा 11 डिसेंबर रोजी शिफ्ट 1 मध्ये होणार आहे. दुसऱ्या सत्रात हिंदीची परीक्षा घेतली जाईल.
उमेदवारांनी नोंद घ्यावी की परीक्षा केंद्र शहरासंबंधीची माहिती अधिसूचनेच्या 10 दिवस आधी NTA आणि UGC NET च्या अधिकृत संकेतस्थळांवर प्रसिद्ध केली जाईल. यानंतर, प्रवेशपत्रे पोर्टलवर जारी केली जातील. उमेदवार आवश्यक तपशील टाकून प्रवेशपत्र डाउनलोड करू शकतील.