व्हॉट्सअॅप आपल्या यूजर्ससाठी एक जबरदस्त फीचर आणण्याच्या तयारीत आहे. ज्याच्या मदतीने जुने संदेश शोधणे खूप सोपे होणार आहे. आत्तापर्यंत व्हॉट्सअॅपचे जुने मेसेज मजकूराद्वारे शोधता येतात. जर तुम्हाला कोणताही कीवर्ड माहित नसेल, तर मेसेज शोधणे खूप कठीण होते. मात्र, नवीन फीचर आल्यानंतर तुम्हाला कोणतीही अडचण येणार नाही, कारण मेटाने यावर उपाय शोधला आहे. रिपोर्ट्सनुसार, नवीन फीचर जुने मेसेज तारखेनुसार पाहण्याची परवानगी देईल.
मेसेज केव्हा पाठवला होता, हे जर तुम्हाला आठवत असेल, तर नवीन फीचर तो मेसेज शोधण्यात मदत करेल. व्हिडिओ आणि व्हॉईस नोट्स यांसारखे मेसेज शोधण्यात हे फिचर सर्वात उपयुक्त ठरेल. अशा संदेशात मजकूर नसल्यास, तो शोधणे कठीण होते. इन्स्टंट मेसेजिंग प्लॅटफॉर्मच्या नवीनतम बीटा आवृत्तीवर हे वैशिष्ट्य जारी केले जात आहे.
व्हॉट्सअॅपच्या नवीन अपडेट्स आणि फीचर्सवर नजर ठेवणाऱ्या पोर्टल WABetaInfo नुसार, WhatsApp वेबच्या 2.2348.50 बीटा व्हर्जनमध्ये कॅलेंडर आयकॉन जोडण्यात आला आहे. यामध्ये मेसेज सर्च करण्याची सुविधा असेल. सध्या फक्त निवडक युजर्स हे फीचर वापरू शकतात. उर्वरित वापरकर्त्यांसाठी ते रिलीज होण्यास थोडा वेळ लागेल.
व्हॉट्सअॅप ट्रॅकिंग पोर्टलनुसार, सर्च बाय डेट फीचर लोकांना व्हॉट्सअॅप वेबवर जुने मेसेज शोधण्यात मदत करेल. ज्या तारखेला संदेश पाठवला किंवा प्राप्त झाला त्या तारखेचा वापर करून तुम्ही जुने संदेश पाहण्यास सक्षम असाल. नवीन आयकॉनवर क्लिक केल्यावर एक कॅलेंडर उघडेल. यामध्ये तुम्हाला विशिष्ट तारीख निवडण्याचा पर्याय मिळेल. अशा प्रकारे तुम्ही त्या दिवसाचा संदेश सहज शोधू शकाल.
WhatsApp iOS आणि Android वापरकर्त्यांसाठी आणखी एक नवीन फीचर बीटा चाचणी करत आहे. त्याचे नाव ईमेल पडताळणी आहे. याद्वारे यूजर्स इन्स्टंट मेसेजिंग अॅपवर त्यांचा ईमेल अॅड्रेस देऊन व्हेरिफिकेशनही करू शकतील. फोन नंबर व्यतिरिक्त, कंपनीने ईमेलच्या स्वरूपात एक वेगळा पर्याय दिला आहे. फोन नंबर अजूनही डीफॉल्ट सत्यापन पर्याय राहील.