सध्या भारतात 2023 चा विश्वचषकाची उत्सुक्ता शिगेला पोहोचली आहे. 10 संघांची स्पर्धा अंतिम टप्प्यात पोहोचली आहे, जिथे आता उपांत्य फेरी आणि अंतिम फेरीची प्रतीक्षा आहे. अहमदाबादच्या नरेंद्र मोदी स्टेडियमवर 19 नोव्हेंबरला विजेतेपदाचा सामना होणार असून, त्याकडे सर्वांच्या नजरा खिळल्या आहेत. विश्वचषक 19 तारखेला संपेल, पण त्यानंतरही अॅक्शन सुरूच राहणार आहे. डिसेंबर महिन्यात भारत आणि इंग्लंड यांच्यात कसोटी आणि टी-20 मालिका खेळवली जाणार आहे. या दोन्ही मालिकेसाठी इंग्लंडने आपला संघ जाहीर केला आहे.
विश्वचषकानंतर भारतीय पुरुष संघ ऑस्ट्रेलियाविरुद्ध टी-20 मालिका खेळणार आहे, तर भारतीय महिला संघ आशियाई क्रीडा स्पर्धेनंतर प्रथमच आंतरराष्ट्रीय क्रिकेटमध्ये परतणार आहे. टीम इंडियाला डिसेंबरमध्ये इंग्लंडचे आव्हान असेल, त्यासाठी इंग्लिश संघ भारत दौऱ्यावर येत आहे. 6 डिसेंबरपासून सुरू होणाऱ्या या दौऱ्यात 1 कसोटी सामना आणि 3 टी-20 सामने खेळवले जाणार आहेत.
इंग्लंड क्रिकेट बोर्डाने शुक्रवारी 10 नोव्हेंबर रोजी या दौऱ्यासाठी संघाची घोषणा केली. या दौऱ्यावर स्टार फिरकीपटू सोफी एक्लेस्टन उपलब्ध असेल ही इंग्लंडसाठी दिलासादायक बाब आहे. डावखुरा फिरकी अष्टपैलू एक्लेस्टनला सप्टेंबरमध्ये खांद्यावर शस्त्रक्रिया करावी लागली, त्यानंतर ती पुनर्वसनात आहे. भारत दौऱ्याने ती क्रिकेटच्या मैदानात परतणार आहे. एकदिवसीय आणि टी-20 मध्ये आपला ठसा उमटवणारी युवा फिरकी अष्टपैलू अॅलिस कॅप्सीलाही कसोटी संघात स्थान मिळाले असून तिच्या पदार्पणाची शक्यता आहे.
हीथर नाइटच्या नेतृत्वाखाली इंग्लिश संघ भारतात येण्यापूर्वी 15 दिवस ओमानच्या दौऱ्यावर असेल, जिथे संघ सराव शिबिरात भाग घेईल. हे शिबीर 17 नोव्हेंबर ते 2 डिसेंबरपर्यंत चालणार आहे. या मालिकेव्यतिरिक्त, इंग्लंड अ संघाची घोषणा करण्यात आली आहे, जी भारत अ विरुद्ध 3 टी-20 सामन्यांची मालिका खेळणार आहे. जोपर्यंत भारतीय संघाचा संबंध आहे, बीसीसीआय पुढील काही दिवसांत संघ जाहीर करेल.
इंग्लंडचा संघ
कसोटी: हीथर नाइट (कर्णधार), टॅमी ब्युमॉंट, लॉरेन बेल, अॅलिस कॅप्सी, केट क्रॉस, चार्ली डीन, सोफिया डंकले, सोफी एक्लेस्टन, लॉरेन फाइलर, बेस हीथ, एमी जोन्स, एम्मा लॅम्ब, नेट सिव्हर-ब्रंट, डॅनी व्याट
T20: हीदर नाइट (कर्णधार), लॉरेन बेल, माईया बौशियर, अॅलिस कॅप्सी, चार्ली डीन, सोफिया डंकले, सोफी एक्लेस्टन, महिका गौर, डॅनियल गिब्सन, सारा ग्लेन, बेस हीथ, एमी जोन्स, फ्रेया कॅम्प, नेट सिव्हर-ब्रंट, डॅनी व्याट
भारत-इंग्लंड मालिकेचे वेळापत्रक
- 6 डिसेंबर- पहिला टी-20 सामना, वानखेडे स्टेडियम (मुंबई)
- 9 डिसेंबर- दुसरा टी-20 सामना, वानखेडे स्टेडियम (मुंबई)
- 10 डिसेंबर- तिसरा टी-20 सामना, वानखेडे स्टेडियम (मुंबई)
- 14-17 डिसेंबर- कसोटी सामना, डीवाय पाटील स्टेडियम (नवी मुंबई)