एकदिवसीय विश्वचषक स्पर्धेत भारतीय संघ सध्या जबरदस्त फॉर्ममध्ये दिसत आहे. या विश्वचषकात रोहित शर्माच्या नेतृत्वाखाली भारताने शानदार खेळ दाखवला आहे. रोहित प्रथमच एकदिवसीय विश्वचषकात कर्णधार आहे. विराट कोहली कर्णधार असताना रोहित उपकर्णधार होता आणि जेव्हा कोहलीला विश्रांती दिली जायची, तेव्हा रोहित कर्णधारपदी असायचा. कर्णधारपदाखाली त्याचा रेकॉर्ड उत्कृष्ट राहिला आहे, परंतु बीसीसीआयचे माजी अध्यक्ष आणि भारतीय संघाचा माजी कर्णधार सौरव गांगुली याने रोहितबद्दल खुलासा केला आहे. रोहितला कर्णधारपद नको हवे होते आणि यामागे दबाव असल्याचे गांगुलीने म्हटले आहे.
T20 विश्वचषक-2021 नंतर रोहितला भारताच्या T20 संघ आणि ODI संघाचा कर्णधार बनवण्यात आले. 2022 च्या सुरुवातीला विराट कोहलीने दक्षिण आफ्रिका दौऱ्यात कसोटी संघाचे कर्णधारपदही सोडले होते आणि त्यामुळे रोहितला कसोटी संघाचे कर्णधारपदही स्वीकारावे लागले होते.
भारताचा माजी कर्णधार आणि रॉजर बिन्नी यांच्या आधी बीसीसीआयची धुरा सांभाळणाऱ्या गांगुलीने कोलकाता टीव्हीशी बोलताना खुलासा केला आहे की, रोहितला कर्णधार व्हायचे नव्हते, कारण तिन्ही फॉरमॅटमध्ये खेळल्यामुळे त्याच्यावर खूप दडपण होते. गांगुली पुढे म्हणाला की रोहित सहमत नव्हता आणि नंतर प्रकरण अशा टप्प्यावर आले की त्याने त्याला सांगितले की तुला हो म्हणावे लागेल, अन्यथा मी तुझे नाव जाहीर करेन. गांगुली त्यावेळी बीसीसीआयचा अध्यक्ष होता. गांगुली म्हणाला की, रोहित संघाचे चांगले नेतृत्व करत आहे आणि तो स्वतःही चांगला खेळत आहे, याचा मला आनंद आहे. रोहितच्या कर्णधारपदाचे निकाल तुम्ही लोक पाहू शकता, असा गांगुली म्हणाला.
भारताने शेवटचा वर्ल्ड कप 2011 मध्ये एमएस धोनीच्या नेतृत्वाखाली जिंकला होता. तेव्हा रोहित संघाचा भाग नव्हता. याचे त्याला खूप वाईट वाटले. पण आता रोहितला त्याच्या नेतृत्वाखाली भारताला विश्वविजेते बनवण्याची संधी आहे. त्याच्या नेतृत्वाखाली भारताने या विश्वचषकात आतापर्यंत एकूण आठ सामने खेळले आहेत आणि ते सर्व जिंकले आहेत. टीम इंडियाने उपांत्य फेरीत धडक मारली आहे. आता रोहित भारताला विश्वविजेता बनवणार की नाही याकडे सर्वांच्या नजरा लागल्या आहेत.