हिंदू धर्मातील प्रमुख सणांपैकी एक दिवाळी यंदा 12 नोव्हेंबर रोजी साजरी करण्यात येणार आहे. दिवाळीच्या 2 दिवस आधी 10 नोव्हेंबरला धनत्रयोदशी येते. खरेतर दिवाळीचा सण पाच दिवस चालतो आणि त्याची सुरुवात धनत्रयोदशीपासूनच होते. या दिवशी लक्ष्मी-कुबेराची पूजा करण्याची परंपरा आहे. धनत्रयोदशीच्या दिवशी, लोक जीवनात आनंद आणि समृद्धी आणण्यासाठी नवीन वस्तू खरेदी करतात. मात्र, या वस्तू खरेदी करताना आपण अनेक गोष्टी लक्षात ठेवल्या पाहिजेत.
या दिवशी देवी लक्ष्मी, भगवान गणेश आणि भगवान कुबेर यांच्याशी संबंधित वस्तू खरेदी करणे खूप शुभ मानले जाते, तर अशा अनेक गोष्टी आहेत, ज्या खरेदी करणे योग्य मानले जात नाही. चला जाणून घेऊया काय आहेत त्या गोष्टी.
लोखंडी वस्तू
धनत्रयोदशीच्या दिवशी चुकूनही लोखंडी वस्तू खरेदी करू नये, यामुळे लक्ष्मी देवी नाराज होते. या दिवशी लोखंडी भांडी खरेदी करणे टाळावे.
काचेच्या वस्तू
धनत्रयोदशीच्या दिवशी काचेच्या वस्तू खरेदी करू नका. काच हे राहूचे प्रतीक मानले जाते. त्यामुळे काचेच्या वस्तू खरेदी करणे शुभ मानले जात नाही.
तीक्ष्ण वस्तू
धनत्रयोदशीच्या दिवशी चाकू, कात्री या धारदार वस्तू खरेदी करणे शुभ मानले जात नाही. तीक्ष्ण वस्तू घरात आणल्याने वास्तू दोष निर्माण होतो, जो अत्यंत अशुभ मानला जातो.
काळ्या रंगाच्या वस्तू
धनत्रयोदशीच्या दिवशी काळ्या रंगाच्या वस्तू खरेदी करणे टाळा, हिंदू धर्मात काळा रंग अतिशय अशुभ मानला जातो. धनत्रयोदशीला काळ्या रंगाच्या वस्तू खरेदी करू नयेत किंवा काळ्या रंगाचे कपडे घालू नयेत.
खरेदी करू नका तेल आणि तूप
धनत्रयोदशीच्या दिवशी तेल, तूप आणि शुद्ध केलेले पदार्थ कधीही खरेदी करू नका. धनत्रयोदशीच्या शुभ दिवशी घरांमध्ये दिवे पेटवले जातात, अशा परिस्थितीत धनत्रयोदशीच्या एक दिवस आधी तेल खरेदी करा.