भारतीय संघाचा कर्णधार रोहित शर्माने आश्चर्यकारक कामगिरी करत ICC ODI फलंदाजी क्रमवारीत 5 स्थानांनी झेप घेतली आहे. 10 ऑक्टोबर रोजी जाहीर झालेल्या क्रमवारीत रोहित 11 व्या क्रमांकावर होता. पण आता हिट मॅन ताज्या क्रमवारीत सहाव्या स्थानावर आला आहे. याशिवाय ताज्या एकदिवसीय फलंदाजी क्रमवारीत भारताच्या 3 फलंदाजांचा टॉप 10 मध्ये समावेश आहे. शुभमन गिल दुसऱ्या क्रमांकावर आणि रोहित शर्मा सहाव्या क्रमांकावर आहे. याशिवाय विराट कोहली सध्या रँकिंगमध्ये 9व्या क्रमांकावर आहे. याशिवाय कसोटी आणि एकदिवसीय क्रमवारीत अव्वल 10 मध्ये सध्या रोहित शर्मा एकमेव भारतीय आहे.
खरंतर रोहित शर्मा या वर्ल्ड कपमध्ये जबरदस्त फॉर्ममध्ये आहे. आतापर्यंत त्याने एक शतक झळकावले आहे. रोहितने पाकिस्तानविरुद्ध 86 धावांची खेळी खेळली होती, तर अफगाणिस्तानविरुद्ध 131 धावांची शानदार खेळी करून धमाका केला होता. आता रोहित हा एकदिवसीय विश्वचषकाच्या इतिहासात सर्वाधिक शतके झळकावणारा फलंदाज आहे.
Big movement at the top of the @MRFWorldwide ODI Player Rankings for a host of @cricketworldcup stars 💥#CWC23https://t.co/oK31QUOz75
— ICC (@ICC) October 18, 2023
सध्या पाकिस्तानचा बाबर आझम वनडे क्रमवारीत पहिल्या क्रमांकावर आहे. ज्याचे सध्या 836 गुण आहेत. तर शुभमन गिल 818 गुणांसह दुसऱ्या स्थानावर आहे. डी कॉक तिसऱ्या क्रमांकावर, रॅसी व्हॅन डर ड्युसेन चौथ्या क्रमांकावर आणि हॅरी टेक्टर पाचव्या क्रमांकावर आहे. रोहित शर्मा 719 गुणांसह सहाव्या, कोहली 711 गुणांसह 9व्या स्थानावर आहे.
यामुळे आता बाबर आझमची बादशाहत धोक्यात आली आहे. वास्तविक, गिल सध्या दुसऱ्या क्रमांकावर आहे आणि दोघांमधील गुणांचा फरक केवळ 18 गुणांचा आहे. अशा परिस्थितीत गिलने या विश्वचषकात एक किंवा दोन शतके ठोकल्यास बाबरला पहिल्या क्रमांकावरून पायउतार व्हावे लागेल, अशी अपेक्षा आहे. याशिवाय रोहित जबरदस्त फॉर्मात आहे. रोहित जरी 6 व्या क्रमांकावर असला, तरी त्याची फलंदाजी पाहता असा अंदाज लावला जाऊ शकतो की हा फलंदाज असाच खेळत राहिला, तर त्याला वनडे क्रमवारीत पहिल्या क्रमांकाची खुर्चीही मिळू शकते. दुसरीकडे बाबरला आतापर्यंत केवळ एकच अर्धशतक झळकावता आले आहे, जरी त्याने एक अर्धशतक झळकावले असले, तरी ते त्याच्या फलंदाजीत दिसून येत नाही.