दरवर्षी पक्षाघाताने मृत्यूमुखी पडणाऱ्यांची संख्या वाढण्याचा धोका आहे. यासंदर्भात एक नवीन संशोधन करण्यात आले आहे, ज्यामध्ये असे म्हटले आहे की 2050 पर्यंत दरवर्षी एक कोटी लोकांचा स्ट्रोकमुळे मृत्यू होण्याची शक्यता आहे. हे संशोधन द लॅन्सेट न्यूरोलॉजीमध्ये प्रकाशित झाले आहे. या संशोधनात तीन दशकांच्या आधारे अंदाज बांधण्यात आला आहे. स्ट्रोकच्या घटना रोखण्यासाठी वेळीच पावले उचलली नाहीत, तर येत्या काही दशकांत या आजारामुळे दरवर्षी 1 कोटी लोकांना आपला जीव गमवावा लागू शकतो, असे संशोधनात म्हटले आहे. संशोधनात असे म्हटले आहे की स्ट्रोकमुळे होणारे मृत्यू 2020 मध्ये 6.6 दशलक्ष वरून सुमारे 10 दशलक्ष (2050 पर्यंत) वाढण्याची शक्यता आहे. पक्षाघातामुळे होणाऱ्या मृत्यूंसोबतच लोकांच्या अपंगत्वाचे प्रमाणही वाढू शकते.
याबाबत शास्त्रज्ञांनी देखील चिंता व्यक्त केली असून स्ट्रोक आणि या आजाराच्या धोक्याबाबत जनजागृती केली नाही, तर भविष्यात हा मोठा धोका निर्माण होऊ शकतो. यामुळे, जागतिक आरोग्य संघटनेने स्ट्रोक प्रतिबंधासाठी निर्धारित केलेले लक्ष्य देखील साध्य होणार नाही.
स्ट्रोकमुळे होणारे मृत्यू रोखण्यासाठी हे आवश्यक असल्याचे शास्त्रज्ञांनी म्हटले आहे. यासाठी लोकांना या आजाराची लक्षणे, कारणे आणि प्रतिबंध याबाबत माहिती असणे आवश्यक आहे.
जेव्हा मेंदूच्या कोणत्याही भागात रक्त परिसंचरण थांबते, तेव्हा स्ट्रोक येऊ शकतो. मेंदूतील मज्जातंतू फुटली, तरी पक्षाघाताचा धोका असतो. पूर्वी हा आजार 50 वर्षांपेक्षा जास्त वयाच्या लोकांना होत असे, पण आता लहान वयातही याचा धोका आहे. ज्या लोकांना उच्च रक्तदाबाचा त्रास होतो, त्यांना पक्षाघाताचा धोका जास्त असतो. लठ्ठपणा आणि मधुमेहाने ग्रस्त असलेल्या लोकांनाही या आजाराचा धोका असतो. अशा परिस्थितीत अशा प्रकारच्या लोकांनी विशेष खबरदारी घेणे आवश्यक आहे.
काय आहेत ब्रेन स्ट्रोकची लक्षणे?
- चेहरा आणि शरीर सुन्न होणे
- अचानक बोलण्यात अडचण
- धूसर दृष्टी
- तीव्र डोकेदुखी
- चक्कर येणे
- चालण्यात अडचण