पाकिस्तानी महिला पत्रकार झैनाब अब्बास हिला भारतातून हाकलून देण्यात आले आहे. ती येथे आयसीसी विश्वचषक 2023चे अँकरिंग करण्यासाठी आली होती. पण, भारतातून हकालपट्टी केल्यानंतर ती हे करू शकणार नाही. जैनब अब्बास हिने हिंदू देवतांचा अपमान केल्यामुळे तिच्यावर ही कारवाई करण्यात आली आहे. झैनब सध्या दुबईत असल्याची बातमी आहे.
भारतीय वकील विनीत जिंदाल यांनी तिच्याविरोधात तक्रार दाखल केल्यानंतर झैनब अब्बासवर ही कारवाई करण्यात आली. ही तक्रार जैनबच्या जुन्या ट्विटशी संबंधित होती, ज्यात तिने हिंदू देव-देवतांच्या विरोधात बरेच काही लिहिले होते. तक्रार करणाऱ्या भारतीय वकिलाच्या म्हणण्यानुसार, झैनाबने 9 वर्षांपूर्वी हे ट्विट “Zainablovesrk” या वापरकर्तानावाने केले होते, जे नंतर तिने “ZAbbas Official” असे बदलले.
Complaint against @ZAbbasOfficial filed by Advocate & Social Activist @vineetJindal19 with cyber cell Delhi Police.Requesting to lodge FIR under section 153A,295,506,121 IPC and sec67 IT Act for making derogatory remarks for Hindu faith and beliefs and for anti -Bharat… https://t.co/vctiV98wBT pic.twitter.com/f9C6I0OMuD
— Adv.Vineet Jindal (@vineetJindal19) October 5, 2023
पाकिस्तानी पत्रकार झैनाब अब्बास हिच्याविरोधात दिल्ली पोलिसांच्या सायबर सेलमध्ये तक्रार दाखल करण्यात आली होती. हिंदू धर्माचा अपमान केल्याबद्दल त्यांच्यावर IPC ची कलम 153A, 295, 506 आणि 121 लावण्यात आली आहे. तिला लवकरात लवकर विश्वचषक सादर करणाऱ्यांच्या यादीतून वगळण्यात यावे, अशी मागणीही यावेळी करण्यात आली. कारण, भारताविरोधात बोलणाऱ्या अशा लोकांचे भारतात स्वागत होऊ शकत नाही.
झैनब अब्बासनेही क्रिकेटच्या नावाखाली भारतावर हल्लाबोल केला आहे. एका जुन्या ट्विटमध्ये त्यांनी लिहिले होते की, एवढी लोकसंख्या असलेला हा देश वेगवान गोलंदाज तयार करू शकत नाही. मीडिया रिपोर्ट्सनुसार, आता झैनब अब्बास प्रकरणातील ताजे अपडेट म्हणजे पाकिस्तानी पत्रकाराला आयसीसी विश्वचषक 2023 पासून रोखण्यात आले आहे. याशिवाय तिची भारतातून हकालपट्टी करण्यात आली आहे.