एकीकडे भारतात विश्वचषक सुरू होणार आहे, तर दुसरीकडे चीनमधील हांगझोऊ येथे सुरू असलेल्या आशियाई क्रीडा स्पर्धेतही जबरदस्त क्रिकेटचे सामने पाहायला मिळत आहेत. बुधवारीही असाच सामना पाहायला मिळाला. हा सामना इतका रोचक होता की शेवटच्या चेंडूपर्यंत कोण जिंकणार आणि कोण हरणार हेच कळत नव्हते. बांगलादेश आणि मलेशिया यांच्यात सामना होता. दोघेही उपांत्यपूर्व फेरीत भिडले होते आणि तुम्हाला हे जाणून आश्चर्य वाटेल की मलेशियाने हा सामना फक्त 2 धावांनी गमावला.
बांगलादेश संघाने प्रथम फलंदाजी करताना 20 षटकांत केवळ 116 धावा केल्या आणि प्रत्युत्तरात मलेशियाचा संघ 8 गडी गमावून 114 धावाच करू शकला. आश्चर्याची गोष्ट म्हणजे बांगलादेश संघाला शेवटच्या षटकात केवळ 5 धावा वाचवायच्या होत्या आणि हे काम जवळपास अशक्य होते, पण त्यांचा ऑफस्पिनर अफिफ हुसैन याने हा चमत्कार करून दाखवला. मोठी गोष्ट म्हणजे मलेशियाचा सेट बॅट्समन विरनदीप सिंग या पराभवाचा दोषी ठरला, त्याने शेवटच्या षटकापर्यंत 35 चेंडूत 52 धावा केल्या होत्या.
शेवटच्या षटकात मलेशियाला विजयासाठी फक्त 5 धावांची गरज होती आणि विरनदीप सिंग स्ट्राइकवर होता. बांगलादेशी कर्णधाराने ऑफस्पिनर असलेल्या अफिफकडे चेंडू सोपवला. ऑफस्पिनरविरुद्ध धावा काढणे सेट फलंदाजाला अवघड नव्हते, पण घडले त्याच्या उलट. शेवटच्या षटकात काय ड्रामा घडला ते आम्ही तुम्हाला सांगतो.
- पहिला चेंडू – अफिफने एक छोटा चेंडू टाकला, ज्यावर विरनदीप धावा करू शकला नाही. त्याने कट शॉट खेळला आणि चेंडू थेट शॉर्ट थर्ड मॅन क्षेत्ररक्षकाच्या हातात गेला.
- दुसरा चेंडू- अफिफने दुसरा चेंडू ऑफ स्टंपच्या बाहेर टाकला आणि विरणदीप सिंगने चेंडू सोडला. विरणदीप ऑफ स्टंपच्या दिशेने गेल्याने अंपायरने बॉल वाईड दिला नाही.
- तिसरा चेंडू- यावेळी अफिफने ऑफ स्टंपच्या बाहेर संथ चेंडू टाकला. वीरनदीप सिंगने मोठा फटका मारण्याचा प्रयत्न केला, पण तो पूर्णपणे चुकला.
- चौथा चेंडू- आता मलेशियाला 3 चेंडूत पाच धावा हव्या होत्या, जे फार कठीण काम नव्हते. मात्र चौथ्या चेंडूवर विरनदीप सिंग बाद झाला. त्याने महमदुल हसनकडे झेल दिला.
- पाचवा चेंडू- विरनदीप बाद झाल्यानंतर पुढच्या चेंडूवर एक धाव झाली. अफिफचा हा चेंडू ब्लॉक होलमध्ये होता.
- सहावा चेंडू- आता शेवटच्या चेंडूवर मलेशियाला विजयासाठी चार धावांची गरज होती, पण यावेळीही अफिफने एकच धाव दिली.
आता भारत आणि बांगलादेश आशियाई क्रीडा स्पर्धेच्या उपांत्य फेरीत भिडणार आहेत. हा सामना 6 ऑक्टोबरला होणार आहे. दुसऱ्या उपांत्य फेरीत पाकिस्तान आणि अफगाणिस्तान यांच्यात लढत होणार आहे. आम्ही तुम्हाला सांगतो की अफगाणिस्ताननेही निकराच्या लढतीत श्रीलंकेचा 8 धावांनी पराभव केला होता.