भारत आणि ऑस्ट्रेलिया यांच्यात आज राजकोट येथे वनडे मालिकेतील तिसरा आणि शेवटचा सामना खेळवला जाणार आहे. टीम इंडिया आधीच 2-0 ने आघाडीवर आहे आणि या सामन्याचा मुख्य उद्देश विश्वचषकाची रिहर्सल मानला जात आहे. या मालिकेनंतर टीम इंडिया 2023 च्या एकदिवसीय विश्वचषकाच्या संघात बदल करणार का, असा प्रश्न उपस्थित होत आहे. कारण हा सामना 27 सप्टेंबरला आहे आणि 28 सप्टेंबर ही टीम बदलण्याची शेवटची तारीख आहे.
टीम इंडियासाठी सर्वात मोठी अडचण म्हणजे ऑफ-स्पिनरचा शोध, सध्या वर्ल्डकपच्या संघात एकही ऑफस्पिनर नाही. याबाबत अनेक प्रश्न उपस्थित केले गेले आणि दरम्यान रविचंद्रन अश्विनचा प्रवेश झाला. ऑस्ट्रेलिया मालिकेतील पहिल्या दोन सामन्यांमध्ये अश्विनची कामगिरी चांगली होती, दरम्यान अक्षर पटेल जखमी झाला. अशा परिस्थितीत अक्षरच्या जागी अश्विनला विश्वचषक संघात प्रवेश मिळण्याची शक्यता वर्तवली जात होती. म्हणजेच राजकोटची वनडे ही त्याला स्वत:ला सिद्ध करण्याची शेवटची संधी ठरू शकते.
रविचंद्रन अश्विन संघासाठी इतका महत्त्वाचा ठरला आहे का, असा प्रश्न उपस्थित होत आहे. अश्विन हा वरिष्ठ खेळाडू असल्यामुळे घरच्या खेळपट्ट्यांवर फिरकीचा घटक खूप महत्त्वाचा ठरू शकतो. अशा परिस्थितीत अश्विनचा अनुभव आणि रणनीती बनवण्याची कला खूप प्रभावी ठरू शकते, त्याला विश्वचषकाच्या 15 सदस्यीय संघात स्थान मिळू शकते. पण असे झाले नाही, तर तो अन्य मार्गानेही संघात सामील होऊ शकतो.
ऑस्ट्रेलियाचा माजी कर्णधार अॅरॉन फिंच म्हणतो की, अश्विन संघात आला नाही, तर तो मेंटॉर आणि फिरकी तज्ञ म्हणूनही संघात सामील होऊ शकतो.
ऑस्ट्रेलिया मालिकेत रविचंद्रन अश्विन:
पहिली वनडे: 1/47
दुसरी वनडे: 3/41
एकदिवसीय विश्वचषक स्पर्धेसाठी भारतीय संघ: रोहित शर्मा (कर्णधार), विराट कोहली, जसप्रीत बुमराह, शुभमन गिल, केएल राहुल, हार्दिक पंड्या (उपकर्णधार), श्रेयस अय्यर, रवींद्र जडेजा, इशान किशन, सूर्यकुमार यादव, कुलदीप यादव, मोहम्मद सिराज, मो. शमी, अक्षर पटेल आणि शार्दुल ठाकूर.
राजकोटमध्ये होणाऱ्या एकदिवसीय सामन्यावरही सर्वांचे लक्ष आहे, कारण रोहित शर्मा, विराट कोहली, कुलदीप यादव, जसप्रीत बुमराह हे संघात पुनरागमन करत आहेत आणि हे सर्वजण विश्वचषकापूर्वी शेवटचा सामना खेळणार आहेत. मात्र, मोहम्मद शमी, हार्दिक पांड्या, शुभमन गिल, शार्दुल ठाकूर, अक्षर पटेल या सामन्यासाठी उपलब्ध नाहीत, अशा स्थितीत कर्णधाराला प्लेइंग-11 निवडणे आणि नंतर विजय मिळवणे कठीण होईल.