जर तुम्हाला नवीन इलेक्ट्रिक स्कूटर घ्यायची असेल, तर ही एक उत्तम संधी आहे. इलेक्ट्रिक टू-व्हीलर उत्पादक कंपनी Komaki ने ड्युअल-बॅटरी इलेक्ट्रिक स्कूटर Komaki LY ची किंमत कमी केली आहे. आता ही इलेक्ट्रिक स्कूटर 21,000 रुपयांनी स्वस्त झाली आहे. सणासुदीच्या काळात कंपनीने हा निर्णय घेतला आहे. जर तुम्ही डबल बॅटरी पॉवरने सुसज्ज इलेक्ट्रिक स्कूटर शोधत असाल, तर Komaki LY हा एक चांगला पर्याय असू शकतो. आम्ही या ऑफरची संपूर्ण माहिती पुढे देत आहोत.
इलेक्ट्रिक स्कूटरची किंमत कमी करण्याचा निर्णय ही मर्यादित कालावधीची ऑफर आहे. दिवाळीपर्यंत तुम्ही या उत्तम ऑफरचा लाभ घेऊ शकता. या ऑफरचा लाभ संपूर्ण देशात मिळणार आहे. किंमत कमी करून, कंपनी सणासुदीच्या काळात इलेक्ट्रिक स्कूटरची विक्री वाढवू इच्छित आहे. त्याचबरोबर ज्यांना पेट्रोलऐवजी इलेक्ट्रिक स्कूटरवर जायचे आहे त्यांना बचतीचा लाभ मिळणार आहे.
ही इलेक्ट्रिक स्कूटर दोन बॅटरीसह येते. तुम्ही त्यांना बाहेर काढू शकता आणि कुठेही चार्ज करू शकता. प्रत्येक बॅटरी पूर्णपणे चार्ज होण्यासाठी 5 तास लागतात. Komaki LY ची TFT स्क्रीन अनेक उत्कृष्ट वैशिष्ट्यांसह येते. यात ऑनबोर्ड नेव्हिगेशन, साउंड सिस्टीम, ब्लूटूथ, कॉलिंग ऑप्शन आणि रेडी-टू-राईड यांसारखी उत्कृष्ट वैशिष्ट्ये आहेत.
कोमाकीची इलेक्ट्रिक स्कूटर इको, स्पोर्ट आणि टर्बो या तीन गिअर मोडमध्ये येते. यात एलईडी फ्रंट विंकर्स, पार्किंग असिस्ट/क्रूझ कंट्रोल, रिव्हर्स असिस्ट यांसारखी वैशिष्ट्ये असतील. रेंजबद्दल बोलायचे झाले तर, ही इलेक्ट्रिक स्कूटर फुल चार्ज झाल्यावर 200 किलोमीटरपर्यंत धावेल. सिंगल बॅटरी 85 किलोमीटरपर्यंतची रेंज देऊ शकते. त्याचा टॉप स्पीड 55-60 किमी/तास आहे.
Komaki LY ची मूळ एक्स-शोरूम किंमत 1,34,999 रुपये आहे. ऑफर अंतर्गत, आता इलेक्ट्रिक स्कूटरची एक्स-शोरूम किंमत 1,13,999 रुपये आहे. यामध्ये 21 हजार रुपयांची कपात करण्यात आली आहे. ही किंमत ड्युअल-बॅटरी वेरिएंटसाठी आहे. जर तुम्हाला ड्युअल-बॅटरी व्हेरिएंट विकत घ्यायचा नसेल, तर सिंगल बॅटरी व्हर्जन देखील उपलब्ध आहे. सिंगल बॅटरी व्हेरिएंटची एक्स-शोरूम किंमत 95,866 रुपये आहे.