चंद्रावर पुन्हा एकदा हालचाली वाढणार आहेत. उद्या शिवशक्ती पॉईंटवर रोषणाई होणार आहे. लँडिंगनंतर सुमारे 11 दिवसांनी लँडर विक्रम आणि रोव्हर प्रज्ञान यांना स्लीप मोडवर पाठवण्यात आले. दोघांना शेजारी शेजारी ठेवले होते. 22 सप्टेंबर रोजी शिवशक्ती पॉईंट येथे सूर्योदय अपेक्षित आहे. विक्रम आणि प्रज्ञान सूर्योदयानंतर पुन्हा सक्रिय होण्याची अपेक्षा आहे.
यानंतर इस्रो पुन्हा एकदा त्यांच्याशी संवाद प्रस्थापित करण्याचा प्रयत्न करणार आहे. अशा परिस्थितीत चांद्रयान-3 साठी पुढील काही तास खूप महत्त्वाचे आहेत. शिवशक्ती पॉईंटवर लवकरच सूर्योदय होईल, असे इस्रोने बुधवारी सांगितले होते. विक्रम आणि प्रज्ञान यांना सूर्यप्रकाश मिळेल. शुक्रवारपासून इस्रो पुन्हा त्यांच्यासोबत काम करण्यास सुरुवात करेल.
विक्रम लँडर आणि प्रज्ञान रोव्हर चांद्रयान-3 मिशनद्वारे चंद्रावर पाठवण्यात आले होते. प्रज्ञान रोव्हरच्या माध्यमातून चंद्राच्या पृष्ठभागावर अनेक प्रकारचे प्रयोग केले जात आहेत. आता 22 सप्टेंबरला विक्रम आणि प्रज्ञान पुन्हा सक्रिय होण्याची प्रत्येकाला प्रतीक्षा आहे.
चांद्रयान-3 ने 23 ऑगस्ट रोजी संध्याकाळी 6.04 वाजता चंद्राच्या दक्षिण ध्रुवावर पोहोचून इतिहास रचला. यासह भारत दक्षिण ध्रुवावर उतरणारा जगातील पहिला देश ठरला. कारण चंद्राच्या दक्षिण ध्रुवावर अद्याप कोणताही देश पोहोचू शकलेला नाही. याआधी रशिया, अमेरिका आणि चीनने चंद्रावर पाय ठेवला होता, मात्र ते दक्षिण ध्रुवावर उतरू शकले नव्हते. चांद्रयान-3 लँडरचे सॉफ्ट लँडिंग 4 टप्प्यात झाले.