मुकेश अंबानी यांच्या जिओ एअर फायबरने बाजारात प्रवेश केला आहे. Reliance Jio ने गणेश चतुर्थीच्या मुहूर्तावर देशातील 8 मेट्रो शहरांमध्ये Jio Air Fiber लाँच केले आहे. मुकेश अंबानी यांच्या जिओ एअर फायबर सुनील मित्तल यांच्या एअरटेल एक्सस्ट्रीम एअरफायबरशी स्पर्धा करण्यासाठी सज्ज आहे. प्लग-अँड-प्ले उपकरणांच्या मदतीने कनेक्टिव्हिटी प्रदान करणाऱ्या वायरलेस ब्रॉडबँड सेवा या दोन्ही प्रमुख आहेत. वास्तविक, रिपोर्ट्सनुसार, अंबानींनी जिओ फायबरमध्ये करोडोंची गुंतवणूक केली आहे. ज्याचा बेस प्लान 599 रुपयांपासून सुरू होत आहे. दुसरीकडे एअरटेलनेही काही काळापूर्वी एअर फायबर लाँच केले होते. आता मुकेश अंबानींच्या एअरफायबर योजनेमुळे एअरटेलला अडचण निर्माण होणार का, असा प्रश्न उपस्थित होत आहे.
मुकेश अंबानींचा जिओ एअरफायबर प्लॅन, वाढवणार का एअरटेलची डोकेदुखी? हे आहे उत्तर
रिपोर्ट्सनुसार, मुकेश अंबानींच्या रिलायन्सने जिओ एअर फायबरमध्ये करोडोंची गुंतवणूक केली आहे. 599 रुपयांपासून सुरू होणारा, Jio चा हा प्लान एंड-टू-एंड सोल्यूशन आहे, जो होम एंटरटेनमेंट, स्मार्ट होम सर्व्हिस आणि हाय-स्पीड ब्रॉडबँड यांसारख्या सेवा प्रदान करेल. याशिवाय, ते सुनील मित्तल यांच्या एअरटेल एक्स्ट्रीम एअर फायबरशीही स्पर्धा करेल. कंपनीने आपली Jio AirFiber सेवा दिल्ली, मुंबई, हैदराबाद, कोलकाता, अहमदाबाद, बेंगळुरू, चेन्नई आणि पुणे येथे सुरु केली आहे.
जिओ एअर फायबर प्लॅन 6 महिने आणि 12 महिन्यांच्या कालावधीसाठी घेतला जाऊ शकतो. ज्यामध्ये कंपनीकडून 6 महिन्यांचा प्लॅन घेतल्यावर तुम्हाला 1000 रुपये इन्स्टॉलेशन चार्ज द्यावा लागेल. 12 महिन्यांचा प्लॅन घेतल्यावर, तुम्हाला कोणतेही इंस्टॉलेशन शुल्क भरावे लागणार नाही.
कंपनीने एअर फायबर आणि एअर फायबर मॅक्स नावाच्या दोन योजना बाजारात आणल्या आहेत. एअर फायबर प्लॅनमध्ये, ग्राहकाला दोन प्रकारचे स्पीड प्लॅन मिळतील, 30 एमबीपीएस आणि 100 एमबीपीएस. कंपनीने सुरुवातीच्या 30 एमबीपीएस प्लॅनची किंमत 599 रुपये ठेवली आहे. तर 100 Mbps प्लॅनची किंमत 899 रुपये ठेवण्यात आली आहे. दोन्ही प्लॅनमध्ये ग्राहकांना 550 हून अधिक डिजिटल चॅनेल आणि 14 मनोरंजन अॅप्स मिळतील.
जिओची ऑप्टिकल फायबर पायाभूत सुविधा संपूर्ण भारतात 15 लाख किमी पेक्षा जास्त पसरलेली आहे. पण आताही कोट्यवधी संकुले आणि घरांमध्ये वायर जोडणे अत्यंत अवघड आहे. Jio AirFiber लास्ट माईल कनेक्टिव्हिटीची अडचण कमी करेल. Jio AirFiber च्या माध्यमातून 20 कोटी घरे आणि परिसरापर्यंत पोहोचण्याची कंपनीला आशा आहे. अंबानी यांनी 29 ऑगस्ट रोजी रिलायन्सच्या एजीएममध्ये Jio AirFiber लाँच करण्याची घोषणा केली होती.
एअरटेलने सध्या फक्त दिल्ली आणि मुंबईत एअर फायबर योजना लॉन्च केली आहे. एअरटेल एक्स्ट्रीम एअर फायबर वायफाय राउटरच्या दुप्पट स्पीड पुरवते असा कंपनीचा दावा आहे. एअरटेल एअर फायबरच्या किंमतीबद्दल बोलायचे झाल्यास, तुम्हाला 6 महिन्यांचा प्लान मिळतो, ज्यासाठी तुम्ही 7,733 रुपये देऊन खरेदी करू शकता, ज्यामध्ये GST स्वतंत्रपणे समाविष्ट आहे. या प्लॅनमध्ये 2500 रुपयांची सुरक्षा ठेव देखील समाविष्ट आहे. अशा परिस्थितीत तुम्हाला पहिल्यांदा 7,733 रुपये आणि पुढील 6 महिन्यांसाठी 4435 रुपये द्यावे लागतील.