अखेर आले Jio AirFiber, किंमत 599 रुपयांपासून सुरू, कसे मिळवायचे कनेक्शन?

मोबाईल, सर्वात लोकप्रिय / By / 5जी सेवा, जिओ एअरफायबर, रिलायन्स जिओ /


गणेश चतुर्थीच्या मुहूर्तावर रिलायन्स जिओने जिओ एअरफायबर सेवा सुरू केली आहे. जिओच्या नवीन वायरलेस कनेक्शनमुळे दुर्गम भागात इंटरनेट सुविधा उपलब्ध करून देण्यात मदत होईल. यामुळे लोकांना स्मार्ट होम सर्व्हिस आणि हायस्पीड इंटरनेटचा अनुभव मिळणार आहे. सध्या 8 शहरांमध्ये ही सेवा सुरू करण्यात आली आहे. यापूर्वी भारती एअरटेलने वायरलेस होम कनेक्शन सुरू केले होते. काही आठवड्यांनंतर जिओनेही या क्षेत्रात प्रवेश केला आहे.

Jio AirFiber सह, मुकेश अंबानींच्या मालकीच्या रिलायन्स जिओला भारताच्या ब्रॉडबँड मार्केटमध्ये खोलवर प्रवेश करायला आवडेल. कंपनीने Jio AirFiber, Jio AirFiberMax या दोन प्रकारांसह नवीन वायरलेस सेवा सुरू केली आहे. जिओचा दावा आहे की हे उपकरण घरगुती मनोरंजनासाठी संपूर्ण समाधान आहे. म्हणजे आता तुम्हाला इंटरनेट, टीव्ही, ओटीटी इत्यादी कशाचीही गरज लागणार नाही.

Jiya AirFiber 550 हाय-डेफिनिशन डिजिटल टीव्ही चॅनेल आणि आवडते शो पाहण्याची परवानगी देईल. याचा अर्थ तुम्ही तुमचा आवडता शो तुम्हाला पाहिजे, तेव्हा पाहू शकाल. याशिवाय ग्राहकांना एकाच ठिकाणी 16 पेक्षा जास्त OTT अॅप्सचा आनंद घेता येईल. तुम्ही त्यांना वेगवेगळ्या उपकरणांवर चालवण्यास सक्षम असाल. Jio AirFiber सबस्क्रिप्शन प्लॅनची ​​किंमत 599 रुपयांपासून सुरू होते, जी 3,999 रुपयांपर्यंत जाते.

या सर्व प्लॅनमध्ये तुम्हाला अनलिमिटेड इंटरनेट डेटा मिळेल. इंटरनेट स्पीडबद्दल बोलायचे झाले तर, 30Mbps ते 1Gbps पर्यंत फास्ट इंटरनेट ब्राउझिंग करता येते. तथापि, तुम्ही कोणत्या इंटरनेट प्लॅनचे सदस्यत्व घेतले आहे, यावर इंटरनेटचा वेग अवलंबून असेल.

Jio AirFiber सह, कंपनी 14 OTT प्लॅटफॉर्मवर मोफत सबस्क्रिप्शन देत आहे. यामध्ये Netflix, Amazon Prime, Hotstar, Jio Cinema, Sony Liv, Hoichoi, Discovery Plus, ALTBalaji, ZEE5, Sun NXT, Lionsgate Play, ShemarooMe, DocuBay, Universal +, EPIC ON आणि Eros Now या नावांचा समावेश आहे.

अशा प्रकारे मिळेल तुम्हाला Jio AirFiber कनेक्शन

  • Jio AirFiber कनेक्शन मिळवण्यासाठी तुम्हाला 60008-60008 वर मिस्ड कॉल द्यावा लागेल. याशिवाय तुम्ही या नंबरवर व्हॉट्सअॅपद्वारेही बुकिंग करू शकता.
  • जिओ एअरफायबर कनेक्शनचे बुकिंग रिलायन्स जिओच्या अधिकृत वेबसाइटवरून आणि जवळच्या जिओ स्टोअरवरून देखील केले जाऊ शकते.
  • जिओ तुमच्याशी संपर्क करेल. सेवा तुमच्या इमारतीत पोहोचताच, तुम्हाला कनेक्शन मिळेल.
  • सध्या, Jio AirFiber सुविधा फक्त अहमदाबाद, बेंगळुरू, चेन्नई, दिल्ली, हैदराबाद, कोलकाता, मुंबई आणि पुणे येथे उपलब्ध असेल.