प्रदीर्घ ब्रेकनंतर नाना पाटेकर पुन्हा एकदा विवेक अग्निहोत्रीच्या ‘द वॅक्सिन वॉर’ या चित्रपटाद्वारे हिंदी चित्रपटसृष्टीत पुनरागमन करत आहेत. नाना पाटेकर गेल्या काही काळापासून महाराष्ट्रातील खडकवासला येथील फार्म हाऊसमध्ये राहत होते. लाइमलाइटपासून दूर राहणारे नाना त्यांच्या फार्म हाऊसमध्ये साधे आयुष्य जगतात. महाराष्ट्रात सापडलेल्या दगडांनी बनवलेले नाना पाटेकरांचे हे फार्म हाऊस अतिशय सुंदर आहे. या फार्महाऊसमध्ये नानांनी झुला लावला असून या बॉलिवूड अभिनेत्याने घराभोवती आंब्याची बागही तयार केली आहे. केवळ नाना पाटेकरच नाही, तर अनेक बॉलिवूड कलाकारांचे महाराष्ट्रात स्वतःचे फार्महाऊस आहेत, जिथे त्यांना त्यांच्या कुटुंबियांसोबत वेळ घालवायला आवडते.
सलमान खान
‘भाईचा बर्थडे’ असो किंवा ‘बिग बॉस’ची सक्सेस पार्टी असो, सलमान खानला त्याच्या पनवेलच्या फार्म हाऊसवर सेलिब्रेट करायला आवडते. बिग बॉसचा एक सीझन नितीन देसाई यांच्या फार्म हाऊसजवळ दबंग खानसाठी बांधलेल्या एनडी स्टुडिओमध्ये शूट करण्यात आला. ‘किक’पासून ‘प्रेम रतन धन पायो’ आणि ‘गॉडफादर’पर्यंत अनेक चित्रपटांच्या शूटिंगसाठी सलमानने एनडी स्टुडिओचे नाव निर्मात्यांना सूचवले होते.
सलमान त्याच्या फार्म हाऊसमध्ये शेतीही करतो. लॉकडाऊनच्या काळात तो पनवेलमध्ये संपूर्ण कुटुंबासह होता. हे फार्महाऊस अंदाजे 150 एकर जागेवर पसरले आहे आणि खान कुटुंबाने या मालमत्तेचे नाव ‘अर्पिता’ ठेवले आहे. हे फार्महाऊस दिसायला रिसॉर्टपेक्षा कमी नाही. यात जिम, स्विमिंग पूल आणि घोड्याचा तबेला देखील आहे. बिग बॉस 14 चा प्रोमो सलमानने त्याच्या फार्म हाऊसमध्ये शूट केला होता.
सुनील शेट्टी
सुनील शेट्टी यांचे महाराष्ट्रातील खंडाळा येथे असलेले फार्महाऊस त्यांच्या हृदयाच्या अगदी जवळ आहे आणि म्हणूनच त्यांनी याच घरात त्यांची लाडकी मुलगी अथिया हिचे लग्नही आयोजित केले होते. या आलिशान घरात कुत्र्यांच्या अनेक जाती आहेत. प्राणीप्रेमी शेट्टी कुटुंबाला प्राण्यांसोबत वेळ घालवायला आवडते. अनेकवेळा तो त्याच्या सोशल मीडिया प्रोफाइलवर त्याच्या फार्म हाऊसचे फोटो शेअर करत असतो. जवळपास 17 वर्षे जुन्या या फार्म हाऊसचे नाव ‘जहाँ’ आहे.
विराट आणि अनुष्का
दिल्लीचा विराट आणि अनुष्काला समुद्र आवडतो, म्हणूनच त्यांनी महाराष्ट्राच्या समुद्र किनाऱ्यावर असलेल्या अलिबागमध्ये त्यांचे फार्म हाऊस विकत घेतले आहे. लॉकडाऊन दरम्यान, विरुष्काने एका मोठ्या कंपाऊंडमध्ये असलेल्या या फार्महाऊसमध्ये बराच वेळ घालवला होता. विराटने सांगितले की, तो फार्म हाऊसमध्ये राहत असल्याने तो परिसरात फिरू शकतो. 8 एकर जागेवर बांधलेल्या या मालमत्तेची किंमत अंदाजे 20 कोटी रुपये आहे.
रणवीर सिंग आणि दीपिका पादुकोण
विरुष्काप्रमाणेच रणवीर सिंग आणि दीपिका पादुकोण यांनीही अलिबागमध्ये जवळपास 22 कोटी रुपये खर्च करून बंगला खरेदी केला आहे. रणवीर आणि दीपिका दोघांनाही अंदाजे 18 हजार स्क्वेअर फुटांवर बांधलेल्या या फार्म हाऊसमध्ये वेळ घालवणे आवडते.