आयआयटी बॉम्बे पुन्हा एकदा देणगीमध्ये मिळालेल्या रकमेमुळे चर्चेत आहे. या वेळी संस्थेला 1.8 दशलक्ष डॉलर्स म्हणजेच सुमारे 160 कोटी भारतीय रुपयांची देणगी मिळाली आहे. विशेष म्हणजे यावेळी ही देणगी अज्ञात व्यक्तीकडून मिळाली आहे. आयआयटी बॉम्बेचे संचालक प्रोफेसर सुभाषीष चौधरी यांनी याबाबत माहिती दिली आहे. त्यांनी सांगितले की अज्ञात देणगीदार संस्थेचा माजी विद्यार्थी आहे.
भारतातील सर्वोच्च अभियांत्रिकी महाविद्यालयांच्या यादीत आयआयटी बॉम्बेचे नाव तिसऱ्या क्रमांकावर आहे. दुसरीकडे, जागतिक स्तरावरील कामगिरीच्या बाबतीत, IIT बॉम्बेला QS जागतिक विद्यापीठ क्रमवारीत 2023-24 मध्ये 149 वा क्रमांक मिळाला आहे. कॅम्पस प्लेसमेंट्स आणि फॅकल्टीसाठी अव्वल असलेली ही संस्था आता देणग्यांसाठी चर्चेत आहे.
आयआयटी बॉम्बेचे संचालक प्रोफेसर सुभाषिस चौधरी म्हणाले की, भारतीय शैक्षणिक जगतात ही एक अनोखी घटना आहे, जेव्हा अज्ञात व्यक्तीने 160 कोटी रुपयांची देणगी दिली आहे. त्यांनी सांगितले की ही रक्कम ग्रीन एनर्जी आणि सस्टेनेबिलिटी रिसर्च हबच्या स्थापनेसाठी आहे. आयआयटी बॉम्बेचे प्राध्यापक चौधरी म्हणाले की, आधुनिक तंत्रज्ञानाच्या सहाय्याने हवामानात निर्माण होणाऱ्या आव्हानांना तोंड देण्यासाठी आम्ही या हबची स्थापना केली आहे.
अलीकडेच इन्फोसिसचे सह-संस्थापक नंदन नीलेकणी यांनीही आयआयटी बॉम्बेला 315 कोटी रुपयांची देणगी दिली होती. नंदन नीलेकणी हे आयआयटी बॉम्बेचे माजी विद्यार्थी आहेत. येथून त्यांनी इलेक्ट्रिकल इंजिनीअरिंगची पदवी घेतली आहे. 1973 साली ते येथून उत्तीर्ण झाले.
आयआयटी बॉम्बेला 50 वर्षे पूर्ण झाल्यामुळे त्यांनी ही देणगी दिली होती. या संदर्भात, बेंगळुरूमध्ये संचालक प्राध्यापक सुभाषिस चौधरी आणि नंदन नीलेकणी यांनी सामंजस्य करारावर स्वाक्षरी केली. दरम्यान चॅरिटीमध्ये मिळालेली ही सर्वात मोठी रक्कम आहे. यापूर्वी नीलेकणी यांनी आयआयटी बॉम्बेला 85 कोटी रुपयांची देणगी दिली होती. आतापर्यंत त्यांनी 400 कोटींची देणगी दिली आहे.