मध्य प्रदेशातील विदिशामध्ये एक धक्कादायक घटना समोर आली आहे. येथे एका महिलेने एका बाळाला जन्म दिला असून तिला चार पाय आहेत. मुलगी तंदुरुस्त आहे, मात्र डॉक्टरांनी तिला चांगल्या उपचारासाठी भोपाळला रेफर केले आहे. मुलीचे कुटुंब कुरवई तालुक्याच्या जोनाखेडी गावचे रहिवासी आहे. आईचे नाव धनुष बाई आणि वडिलांचे नाव फुलसिंग प्रजापती.
मंडी बामोरा सरकारी रुग्णालयात महिलेने या बाळाला जन्म दिल्याचे सांगितले जात आहे. ही बातमी सोशल मीडियावर पसरताच चर्चेचा विषय बनला आहे. डॉक्टर राजेश पास्टर यांच्या मते या प्रकाराला वैद्यकीय भाषेत ‘इशिओपॅगस’ म्हणतात. ते म्हणतात की हजारो मुलांपैकी एका मुलामध्ये अशा प्रकारे अतिरिक्त अवयव विकसित होतात.
डॉ.राजेश पास्टर यांनी दिलेल्या माहितीनुसार, नवजात शिशूमध्ये शारीरिक विकृती असते. राजेश सांगतात की गर्भाशयात वाढणाऱ्या बाळामध्ये शरीराच्या खालच्या भागाचा अतिरिक्त विकास होत असल्याने असे घडते. हजारोंपैकी एका मुलाला अशा प्रकारची समस्या असते. मुलीला विदिशा येथे रेफर करण्यात आले, तेथून तिला भोपाळला रेफर करण्यात आले.
मुलीचे वडील फुलसिंग प्रजापती यांनी सांगितले की, त्यांना तीन मुली आहेत, त्यातील सर्वात मोठी दिशा तिसरीत शिकते. दुसरी राधिका आणि तिसरी निधी, ज्यांचे वय दोन वर्षे आहे. तो गावात मजुरीचे काम करतो. त्याच्याकडे ना रेशन कार्ड आहे ना आयुष्मान कार्ड. त्याला आपल्या कुटुंबाची काळजी घेण्यात खूप त्रास होतो. त्यामुळे भोपाळहून हमीदिया हॉस्पिटलमध्ये मुलाला दाखवून तो गावी परतला. मुलीच्या उपचारासाठी त्यांनी प्रशासनाकडे मदतीचे आवाहन केले आहे.
त्याचवेळी सीईओ शिवराज सिंह अहिरवार सांगतात की, मुलीच्या कुटुंबाला सरकारी योजनांचा पूर्ण लाभ मिळवून देण्यासाठी प्रयत्न केले जातील. पंचायतीच्या रोजगार सहाय्यकाला त्याच्या रेशन स्लिपसाठी अर्ज करण्यास सांगितले आहे. त्याला पंचायत स्तरावर मदत करण्याचा प्रयत्न करत आहे.