राजस्थान रॉयल्सकडून आयपीएल खेळणारा अष्टपैलू खेळाडू रियान पराग खराब कामगिरीमुळे अनेकदा ट्रोल झाला आहे. पण देवधर ट्रॉफीमध्ये या खेळाडूने टीकाकारांना चोख प्रत्युत्तर दिले आहे. देवधर ट्रॉफीमध्ये पूर्व विभागाकडून खेळताना रियान परागने 5 दिवसांत दोन शतके झळकावली आहेत. रियानने मंगळवारी पश्चिम विभागाविरुद्ध 68 चेंडूत नाबाद 102 धावांची खेळी केली, जे त्याचे या स्पर्धेतील दुसरे शतक आहे.
याआधी रियान परागने 28 जुलै रोजी उत्तर विभागाविरुद्ध शतक झळकावले होते आणि बॉलसह 4 विकेट्स घेतल्या होत्या. पूर्व विभागाने हा सामना 88 धावांनी जिंकला.
Two hundreds in five days for Riyan Parag! 💯💗 pic.twitter.com/mVgEFs5nDI
— Rajasthan Royals (@rajasthanroyals) August 1, 2023
रियान पराग मंगळवारी पुन्हा एकदा पुद्दुचेरीच्या मैदानावर उतरला. तो सहाव्या क्रमांकावर फलंदाजीला आला आणि त्याने 5 षटकार आणि 6 चौकारांच्या जोरावर शानदार शतक झळकावले. मात्र, या शतकी खेळीनंतरही या खेळाडूला ट्रोल केले जात आहे.
Riyan Parag's two consecutive centuries means question mark on the quality of the tournament and pitch
— ᴅᴇʙᴀsɪsʜ (@Debasis55249601) August 1, 2023
चाहत्यांचे म्हणणे आहे की, रियान पराग नेहमी चांगल्या गोलंदाजांसमोर अपयशी ठरतो आणि गोलंदाजी कमकुवत असेल, तिथेच तो धावांचा पाऊस पाडतो.
Iska talent baccho ke samne hi nikalta hai!! 🤣🤣🤣
— Sidd Bhardwaj (@_siddbhardwaj) August 1, 2023
तसे, आम्ही तुम्हाला सांगतो की रियान परागने मजबूत गोलंदाजी विरुद्ध शतक केले आहे. या खेळाडूने राजवर्धन हंगरगेकर, शम्स मुलानी, नागासवाला यांसारख्या गोलंदाजांविरुद्ध वेगवान फलंदाजी केली आहे. त्याच्या धडाकेबाज फलंदाजीच्या जोरावर पूर्व विभागाच्या संघाला 50 षटकांत ३१९ धावांपर्यंत मजल मारता आली.
रियान परागकडे खूप प्रतिभा आहे यात शंका नाही. मात्र मोठ्या मंचावर तो अद्याप स्वत:ला सिद्ध करू शकलेला नाही. आयपीएलमध्ये, राजस्थान रॉयल्स त्याला प्लेइंग इलेव्हनमध्ये सतत संधी देत आहे परंतु परागने त्याच्या कामगिरीने निराश केले आहे. आयपीएल 2023 मध्ये परागने 7 सामन्यात केवळ 78 धावा केल्या. इतकेच नाही तर तो 2019 पासून आयपीएल खेळत आहे आणि यादरम्यान त्याला 44 डावांमध्ये 16.22 च्या सरासरीने केवळ 600 धावा करता आल्या आहेत. परागला चाहत्यांची मने जिंकायची असतील तर त्याला मोठ्या मंचावर धमाल करावी लागणार हे स्पष्ट आहे.