जगातील सर्वात मोठे संग्रहालय लवकरच दिल्लीत बांधले जाणार आहे. असे पंतप्रधान नरेंद्र मोदी यांनी बुधवारी प्रगती मैदानावर केलेल्या भाषणात सांगितले. ते म्हणाले, हे संग्रहालय ‘युग-युगीन भारत’ म्हणून ओळखले जाईल, जे भारताच्या समृद्ध आणि वैविध्यपूर्ण इतिहासाचे प्रतिबिंबित करेल. मोठा विचार करा, मोठी स्वप्ने पहा आणि मोठे व्हा.’
हे राष्ट्रीय संग्रहालय संसदेच्या नॉर्थ ब्लॉक आणि साउथ ब्लॉकमध्ये बांधले जाईल, ज्याची रचना ब्रिटिश राजवटीत एडविन लुटियन्स आणि हर्बर्ट बेकर यांनी केली होती. सध्या, साउथ ब्लॉकमध्ये पंतप्रधान कार्यालय, परराष्ट्र मंत्रालय आणि संरक्षण मंत्रालयाची कार्यालये आहेत. त्याच वेळी, नॉर्थ ब्लॉकमध्ये अर्थ आणि गृह मंत्रालये आहेत. या दोन्ही ब्लॉक्सचे संग्रहालयात रूपांतर करण्यात येणार आहे. जिथे देशाच्या इतिहासाचे आणि संस्कृतीचे केंद्र तयार होईल.
जगातील सर्वात मोठे म्युझियम किती भव्य असेल, समजून घ्या 5 पॉइंट्समध्ये
- 950 खोल्यांचे संग्रहालय: जगातील सर्वात मोठ्या संग्रहालयात 950 खोल्या असतील. तळघर, मैदानासह हे दोन मजली इमारतीचे संग्रहालय असेल. भारताचा इतिहास सांगण्यासोबतच संस्कृतीच्या अनेक मनोरंजक पैलूंची ओळख करून देईल.
- 1.17 लाख स्क्वेअर मीटरमध्ये बांधले जाईल: हे 1.17 लाख स्क्वेअर मीटर क्षेत्रात बांधले जाईल, ज्यामध्ये अनेक विभाग असतील, जे वेगवेगळ्या वैशिष्ट्यांसाठी ओळखले जातील. यामध्ये 500 वर्षांची भारतीय सभ्यता दाखवण्यात येणार आहे. त्याची रचना केवळ भारतीय इतिहासाच्या विविध युगांचे वैभवच प्रतिबिंबित करणार नाही, तर देशाच्या संस्कृती, प्राणी आणि वनस्पती देखील प्रतिबिंबित करेल.
- गौरवशाली भारतीय इतिहासाची झलक पहायला मिळेल: स्वराज्य मासिकाच्या अहवालानुसार, संग्रहालय प्रागैतिहासिक भारत, सिंधू संस्कृती, वैदिक कालखंड आणि तक्षशिला आणि नालंदा सारख्या भारतातील सर्वोच्च विद्यापीठांच्या बौद्धिक आणि कलात्मक कामगिरीचे दस्तऐवजीकरण करेल. मौर्य, गुप्त, पांड्या, पल्लव, चोल, कुशाण, काश्मीर आणि राष्ट्रकूट राजघराण्यांनी रोम आणि ग्रीस सारख्या देशांशी व्यापार संबंध राखले होते यावरही प्रकाश टाकला जाईल. राष्ट्रकूट, गुर्जर-प्रतिहार आणि पाल यांसारख्या विशाल साम्राज्यांनी राष्ट्रनिर्मितीच्या प्रक्रियेत बजावलेली भूमिका, हा इतिहासही राष्ट्रीय संग्रहालयाचा एक भाग असेल.
- ब्रिटीश आणि स्वातंत्र्यलढ्याचे चित्र: राजपूत, मुघल काळ आणि सल्तनत यांच्या शौर्यासोबतच ब्रिटीश साम्राज्य आणि देशाच्या स्वातंत्र्यलढ्याच्या संघर्षाच्या कथा मांडण्यात येणार आहेत. देशातील ऐतिहासिक गटांच्या विशिष्ट धातुशास्त्रीय परंपरेचे प्रदर्शन करण्यासाठी वास्तुशिल्पाचे दरवाजे उघडतील. उदाहरणार्थ, राजस्थानच्या जावरमध्ये जस्त काढण्याची परंपरा. हडप्पा, मोहेंजोदारो आणि प्राचीन सिंधी-सरस्वती संस्कृतीची माहिती मिळेल.
- हिसकावून घेणार फ्रान्सचा मान : सध्या जगातील सर्वात मोठे संग्रहालय फ्रान्समधील पॅरिसमध्ये आहे. हे 73 हजार चौरस मीटरमध्ये पसरलेले आहे. जगातील निवडक कलाकृती येथे आहेत. त्यात मोनालिसा आणि व्हीनस डी मिलो यांच्या कलाकृतींचाही समावेश आहे. हे संग्रहालय 8 भागात विभागलेले आहे. ज्यामध्ये मॉडर्न, कंटेम्पररी, डेकोरेटिव्ह, प्रिंट्स आणि इस्लामिक आर्टसह अनेक विभाग आहेत.