श्रीलंकेचा माजी कर्णधार लाहिरू थिरिमानेने आंतरराष्ट्रीय क्रिकेटमधून निवृत्ती घेतली आहे. लाहिरूने शनिवारी आपल्या 13 वर्षांच्या आंतरराष्ट्रीय कारकिर्दीला अलविदा केला. त्याने सोशल मीडियावर निवृत्तीची घोषणा केली. देशासाठी खेळणे हा आपल्यासाठी सन्मान असल्याचे त्याने लिहिले आहे. या खेळाने त्याला खूप काही दिले आहे.
लाहिरू म्हणाला की, निवृत्तीचा निर्णय घेणे माझ्यासाठी खूप कठीण होते. एक खेळाडू म्हणून आपण आपले सर्वोत्तम देण्याचा, सर्वोत्तम कामगिरी करण्याचा प्रयत्न केला. तो पुढे म्हणाला की, निवृत्तीचा निर्णय घेणे माझ्यासाठी खूप कठीण होते, परंतु निवृत्ती घेण्यास कोणत्या कारणांमुळे प्रभावित केले, ते येथे सांगू शकत नाही.
लाहिरूच्या कारकिर्दीबद्दल सांगायचे तर, त्याने 2010 मध्ये भारताविरुद्धच्या एकदिवसीय सामन्यातून आंतरराष्ट्रीय क्रिकेटमध्ये पदार्पण केले. त्याच्या नावे 44 कसोटीमध्‍ये 3 शतके आणि 10 अर्धशतकांसह 2088 धावा, 27 एकदिवसीयमध्‍ये 4 वनडे आणि 21 अर्धशतकांसह 3194 धावा असून 26 टी-20 सामन्‍यात 291 धावा आहेत.
लाहिरूने 2011 मध्ये कसोटी पदार्पण केले आणि 2013 मध्ये त्याने कसोटीत पहिले शतक झळकावले. पहिल्या कसोटी शतकानंतर त्याला 7 वर्षे 10 महिने एकही शतक झळकावता आले नाही. 2021 मध्ये त्याचे दुसरे कसोटी शतक त्याच्या बॅटमधून आले. 2014 मध्ये T20 विश्वचषक आणि 2014 आशिया कप जिंकणाऱ्या श्रीलंकेच्या संघाचा लाहिरू देखील एक भाग होता. आशिया चषकात तो मालिकावीर ठरला.
लाहिरूने 2014 च्या आशियाई क्रीडा स्पर्धेत श्रीलंकेच्या संघाचे नेतृत्व केले आणि संघाला चॅम्पियन बनवले. 2019 मध्ये, जेव्हा श्रीलंकेच्या नियमित एकदिवसीय आणि T20 कर्णधारासह 10 खेळाडूंनी पाकिस्तान दौऱ्याला नकार दिला, तेव्हा लाहिरूला कर्णधार म्हणून पाकिस्तानला पाठवण्यात आले. श्रीलंकेने ती वनडे मालिका 0-2 ने गमावली.