टोमॅटोच्या गगनाला भिडलेल्या किमतीची चर्चा सर्वसामान्य कुटुंबापासून ते बॉलिवूड स्टार्सच्या कुटुंबापर्यंत सर्वत्र होत आहे. सोशल मीडियावर टोमॅटोची जणू छाया पडली आहे. अशा परिस्थितीत अभिनेता सुनील शेट्टीनेही टोमॅटोच्या वाढत्या किमतींबद्दल चिंता व्यक्त केली आणि सांगितले की, टोमॅटोच्या वाढत्या किमतीमुळे त्याच्या स्वयंपाकघरावरही परिणाम झाला आहे, त्यामुळे तो टोमॅटो कमी खाऊ लागला आहे. आता सुनील शेट्टीचे हे वक्तव्य सोशल मीडियावर चर्चेचा विषय बनले आहे. काही लोक त्याच्यावर शेतकरी विरोधी असून त्यांच्या भावना दुखावल्याचा आरोप करत आहेत. आता सुनील शेट्टीने याप्रकरणी माफी मागितली आहे.
सुनील शेट्टीने नकळत शेतकऱ्यांच्या भावना दुखावल्याबद्दल त्यांची माफी मागितली आहे. अभिनेत्याचे म्हणणे आहे की त्याच्या बोलण्याचा चुकीचा अर्थ काढण्यात आला. आपण नेहमीच शेतकऱ्यांना साथ देत आहेत आणि त्यांच्याबद्दल नकारात्मक विचार करण्याचा विचारही करू शकत नाही.
सुनील शेट्टी म्हणाला की, त्याने नेहमीच शेतकऱ्यांच्या समर्थनार्थ काम केले असून स्वदेशी उत्पादनांना प्रोत्साहन मिळावे, जेणेकरून शेतकऱ्यांना त्याचा पुरेपूर लाभ मिळावा, अशी माझी इच्छा आहे. अभिनेत्याने नमूद केले की हॉटेल व्यवसाय असल्याने शेतकरी नेहमीच त्यांच्या जीवनाचा एक भाग आहे आणि त्यांच्याशी थेट संबंध आहे.
या अभिनेत्याने पुढे म्हटले आहे की, अशाप्रकारे मी जे बोललो नाही, पण त्यामुळे कोणाचे मन दुखावले गेले असेल तर त्याबद्दल मी मनापासून माफी मागतो. शेतकऱ्यांच्या विरोधात बोलण्याचा विचार मी स्वप्नातही करू शकत नाही. कृपया माझ्या विधानाचा चुकीचा अर्थ लावू नका.
नुकतेच सुनील शेट्टीने सांगितले होते की, त्याची पत्नी ताजी भाजी खायला मिळावी म्हणून फक्त 2-3 दिवस भाजी खरेदी करते, पण टोमॅटोच्या गगनाला भिडलेल्या किमतीचा परिणाम आता आमच्या स्वयंपाकघरावरही होत आहे. त्यामुळे आजकाल टोमॅटो कमी खाल्ले जात आहेत.