तुम्ही YouTube वर व्हिडिओ अपलोड करत असल्यास तुमची कमाई वाढवण्यासाठी एक नवीन फीचर तुमची मदत करेल. ऑनलाइन व्हिडिओ शेअरिंग प्लॅटफॉर्मने घोषणा केली की ते Google चे आर्टिफिशियल इंटेलिजन्स (AI) आधारित डबिंग टूल अलाउड वापरता येणार आहे. या टूलद्वारे तुम्ही वेगवेगळ्या भाषांमध्ये व्हिडिओ डब करू शकाल. म्हणजेच केवळ त्यांच्याच भाषेतील लोकच नाही, तर इतर भाषा जाणणाऱ्या युजर्सनाही तुमचा व्हिडिओ दिसेल आणि ते सहज समजू शकतील. अशाप्रकारे, हे वैशिष्ट्य तुम्हाला YouTube वरून तुमची कमाई वाढविण्यात खूप मदत करेल.
VidCon 2023 दरम्यान, YouTube ने सांगितले की ते व्हिडिओ-शेअरिंग प्लॅटफॉर्मवर अलाउड वापरता येईल. हे Google च्या Area 120 incubator मध्ये विकसित केलेले उत्पादन आहे. गुगलने गेल्या वर्षी ते सादर केले होते, जे वेगवेगळ्या भाषांमध्ये व्हिडिओ डब करण्याची परवानगी देते. हे वैशिष्ट्य कसे कार्य करते आणि तुम्ही त्याचा लाभ कसा घेऊ शकता ते पाहूया.
अशा प्रकारे कार्य करते अलाउड
अलाउडबद्दल बोलायचे झाले, तर ते स्वयंचलितपणे व्हिडिओचे प्रतिलेखन करते आणि डबिंग आवृत्ती तयार करते. याशिवाय, हे फीचर डबिंग पूर्ण करण्यापूर्वी ट्रान्सक्रिप्शनचे पुनरावलोकन आणि संपादन करण्याचा पर्याय देखील देते. आत्तापर्यंत कंटेंट क्रिएटर्स इतर भाषांमध्ये YouTube व्हिडिओ डब करण्यासाठी थर्ड पार्टी अॅप्स किंवा प्लॅटफॉर्मवर अवलंबून होते. मात्र, नवीन फीचर आल्यानंतर त्यांचे काम अधिक सोपे होणार आहे.
या भाषांमध्ये तुम्ही करू शकता डबिंग
ऑडिओ ट्रॅक बदलण्यासाठी, तुम्हाला गीअर आयकॉनवर टॅप करावे लागेल. त्यानंतर ऑडिओ ट्रॅकवर टॅप करा आणि तुम्हाला ज्या भाषेत व्हिडिओ ऐकायचा आहे, ती पसंतीची भाषा निवडावी लागेल. या व्हिडिओमध्ये तुम्ही अलाउड फीचर कसे काम करते ते पाहू शकता.
सध्या, ऑन अलाउड केवळ इंग्रजी, पोर्तुगीज आणि स्पॅनिश भाषांना समर्थन देते. गुगलची योजना आहे की येत्या काळात ते हिंदी आणि बहासा इंडोनेशिया सारख्या भाषांनाही सपोर्ट करेल.
अलाउडमध्ये उपलब्ध असतील हे फंक्शन
यूट्यूब क्रिएटर प्रॉडक्ट्सचे उपाध्यक्ष अमजद हनीफ यांच्या मते, शेकडो YouTube कंटेंट क्रिएटर्स हे टूल वापरत आहेत. लवकरच ही सुविधा सर्वांना उपलब्ध करून दिली जाईल. रिपोर्ट्सनुसार, हनीफ पुढे म्हणाले की आवाज संरक्षण, लिप री-अॅनिमेशन आणि इमोशन ट्रान्सफर सारखी फंक्शन्स देखील जनरेटिव्ह एआयद्वारे अलाउडमध्ये जोडली जातील.