मानसशास्त्राचा विद्यार्थी ब्रँडन मॅकमुलेनने विश्वचषक पात्रता फेरीत अप्रतिम कामगिरी केली. मॅकमुलेनने त्याच्या आंतरराष्ट्रीय कारकिर्दीतील पहिले शतक झळकावले. एवढेच नाही तर यानंतर तो विकेट्स घेण्यातही यशस्वी ठरला. त्याने 2 अप्रतिम झेल घेतले. फलंदाजी, गोलंदाजी आणि क्षेत्ररक्षण या तिन्ही ठिकाणी मॅकमुलेनची जादू चालली.
स्कॉटलंड आणि ओमान यांच्यात वर्ल्ड कप क्वालिफायर सामना खेळला गेला. मॅकमुलेनच्या झंझावाती शतकाच्या जोरावर स्कॉटलंडने प्रथम फलंदाजी करताना 50 षटकांत 320 धावा केल्या. प्रत्युत्तरात ओमानचा संघ 50 षटकांत 9 गडी गमावून केवळ 244 धावाच करू शकला. स्कॉटलंडने हा सामना 76 धावांनी जिंकला.
🔹 136 runs off 121 balls
🔹 One wicket
🔹 Two catchesBrandon McMullen takes home the @aramco POTM 👏#CWC23 #SCOvOMA pic.twitter.com/fq9YTC7Pix
— ICC (@ICC) June 25, 2023
मॅकमुलेनने 121 चेंडूत 14 चौकार आणि 3 षटकारांसह 136 धावांची तुफानी खेळी केली. त्याने 92 चेंडूत आपले शतक पूर्ण केले. ओमानच्या बिलाल खानने 5 बळी घेतले. 321 धावांच्या लक्ष्याला उत्तर देताना उत्तर ओमानकडून खालच्या फळीतील फलंदाज नसीम खुशीने सर्वाधिक 69 धावा केल्या.
5️⃣ for on Wednesday
💯 and Player of the Match todayWhat a week for Brando 👊#FollowScotland
— Cricket Scotland (@CricketScotland) June 25, 2023
मॅकमुलेनने आधीच आश्चर्यकारक फलंदाजी दाखवल्यानंतर चेंडूसह आश्चर्यकारक कामगिरी केली. त्याने ओमानचा सलामीवीर कश्यप प्रजापतीला बोल्ड केले. यानंतर त्याने अयान खान आणि शोएब खानचाही झेल पकडला. 24 वर्षीय मॅकमुलेनने गेल्या वर्षाच्या अखेरीस आंतरराष्ट्रीय क्रिकेटमध्ये पदार्पण केले. आंतरराष्ट्रीय क्रिकेटमध्ये 7 महिने झाले असून त्याने आपल्या कारकिर्दीतील सर्वात मोठी खेळी खेळली.
3⃣ games ➕ 3⃣ wins 🟰 SUPER SIX 💜🙌🏻 pic.twitter.com/hv47E4TIQn
— Cricket Scotland (@CricketScotland) June 25, 2023
दक्षिण आफ्रिकेच्या मॅकमुलेनने काही वर्षांपूर्वी आपली क्रिकेट कारकीर्द घडवण्यासाठी स्कॉटलंडला जाण्याचा निर्णय का घेतला हे माहित नाही, परंतु आता तो आनंदी आहे. मॅकमुलेनने स्कॉटलंड विद्यापीठातून क्रीडा आणि मानसशास्त्राचा अभ्यास केला आहे आणि आता तो मैदानावरील फलंदाज आणि गोलंदाजांच्या मनाचा अभ्यास करत आहे.