भारतीय संघाला कसोटी स्पर्धेतील पराभव विसरुन पुढे जायचे आहे. संघ पुढील महिन्यात वेस्ट इंडिजच्या दौऱ्यावर जाणार असून तेथे कसोटीसह एकदिवसीय आणि टी-20 मालिका खेळवली जाणार आहे. या कसोटी मालिकेसह, टीम इंडिया पुढील कसोटी चॅम्पियनशिप सायकल सुरू करेल. पण या दौऱ्यावर रोहित शर्मा काही सामन्यांमध्ये दिसणार नाही. त्याला विश्रांती दिली जाऊ शकते.
वेस्ट इंडिज दौऱ्यासाठी टीम इंडिया 27 जून रोजी निवडली जाऊ शकते आणि दुलीप ट्रॉफी दुसऱ्याच दिवशी बेंगळुरूमध्ये सुरू होईल. टीम इंडिया वेस्ट इंडिज दौऱ्यावर दोन कसोटी सामने, तीन एकदिवसीय आणि पाच टी-20 सामन्यांची मालिका खेळणार आहे. त्याची सुरुवात 12 जुलैपासून डॉमिनिकमध्ये खेळल्या जाणाऱ्या कसोटी सामन्याने होईल. दुसरा कसोटी सामना त्रिनिदाद येथे होणार आहे.
टाईम्स ऑफ इंडिया या इंग्रजी वृत्तपत्राने दिलेल्या वृत्तानुसार, या दौऱ्यात रोहितला काही सामन्यांमध्ये विश्रांती दिली जाऊ शकते. वृत्तपत्राने सूत्रांच्या हवाल्याने म्हटले आहे की, रोहित आयपीएल आणि कसोटी चॅम्पियनशिपदरम्यान थकलेला दिसत होता, त्यामुळे निवडकर्त्यांनी त्याने काही सामन्यांसाठी विश्रांती घ्यावी असे वाटते, त्यामुळे त्याला वेस्ट इंडिज दौऱ्यावर काही सामन्यांसाठी विश्रांती दिली जाऊ शकते. या प्रकरणी निवडकर्ते रोहितशी चर्चा करतील आणि त्यानंतर निर्णय घेतील, असे अहवालात लिहिले आहे.
या अहवालात असेही सांगण्यात आले आहे की, जर रोहितला कसोटीत विश्रांती दिली, तर नुकताच संघात परतलेल्या रहाणेची कर्णधारपदी नियुक्ती केली जाऊ शकते. रहाणेने याआधी टीम इंडियाचे नेतृत्व केले आहे. तो संघाचा उपकर्णधार होता, पण खराब फॉर्ममुळे त्याला वगळण्यात आले. त्याने कसोटी चॅम्पियनशिपमध्ये पुनरागमन केले आणि पहिल्या डावात 89 धावा करत संघाला सांभाळले, तर दुसऱ्या डावात त्याच्या बॅटमधून 43 धावा निघाल्या.
टीम इंडियाच्या फलंदाजीचा धुरा समजला जाणारा चेतेश्वर पुजारा कसोटी चॅम्पियनशिपच्या अंतिम फेरीत अपयशी ठरला होता. संघात त्याच्या जागी संकट आहे, पण रोहित आणि विराट कोहलीला विश्रांती दिल्यास पुजाराला आणखी एक संधी मिळू शकते.