संजू सॅमसन आणि त्याच्या चाहत्यांसाठी एक आनंदाची बातमी समोर येत आहे. सूत्रांच्या माहितीनुसार, संजू लवकरच टीम इंडियामध्ये परत येऊ शकतो. पुढील महिन्यात सुरू होणाऱ्या वेस्ट इंडिज दौऱ्यावर संजू सॅमसनला संधी मिळू शकते.
मीडिया रिपोर्ट्सनुसार, संजू सॅमसनची वेस्ट इंडिजविरुद्धच्या वनडे आणि टी-20 मालिकेसाठी संघात निवड केली जाऊ शकते. संजू सॅमसनने गेल्या वर्षी नोव्हेंबरमध्ये टीम इंडियासाठी शेवटचा वनडे खेळला होता. या वर्षी जानेवारीत तो टी-20 सामनाही खेळला होता.
संजू सॅमसनने टीम इंडियासाठी आतापर्यंत 11 एकदिवसीय सामन्यांमध्ये 330 धावा केल्या आहेत. त्याची सरासरी 66 पेक्षा जास्त आहे. तसेच संजूचा स्ट्राईक रेट 104 पेक्षा जास्त आहे.
संजू सॅमसन व्यतिरिक्त इशान किशन हा देखील एकदिवसीय आणि टी20 संघाचा भाग असेल. यासोबतच त्याची कसोटी मालिकेसाठी बॅकअप यष्टिरक्षक म्हणूनही निवड होऊ शकते. श्रीकर भरत वेस्ट इंडिजमध्ये खेळणार असल्याचे सांगितले जात असले तरी.
विशेषत: संजू सॅमसनसाठी वेस्ट इंडिजची एकदिवसीय मालिका खूप महत्त्वाची असेल कारण या वर्षी विश्वचषकही आहे आणि जर संजूने चांगली कामगिरी केली, तर त्याला विश्वचषक संघात संधी मिळू शकते.