Delhi Capitals : रिकी पाँटिंगची दिल्ली कॅपिटल्समधून सुट्टी, सौरव गांगुली होऊ शकतो मुख्य प्रशिक्षक

पाँटिंग 2018 पासून संघासोबत आहे आणि त्याचा प्रशिक्षक म्हणून संघाने 2020 मध्ये प्रथमच IPL फायनल खेळली. गांगुली गेल्या मोसमापर्यंत क्रिकेट संचालक म्हणून या संघासोबत होता. आता तो या संघाचे प्रशिक्षकपद सांभाळू शकतो.

दिल्ली फ्रँचायझी अशा संघांपैकी एक होती, ज्याला खूप कमकुवत मानले जात होते, परंतु पाँटिंग प्रशिक्षक झाल्यानंतर परिस्थिती बदलली. या संघाने प्रदीर्घ कालावधीनंतर 2019 मध्ये प्लेऑफमध्ये प्रवेश केला. त्यानंतर 2021 पर्यंत हा संघ प्लेऑफ खेळत राहिला. मात्र, दिल्लीला जेतेपदावर नाव कोरता आले नाही. पण शेवटचा हंगाम दिल्लीसाठी खूपच खराब होता. आयपीएल-2023 मध्ये, दिल्लीने 14 सामने खेळले ज्यात फक्त पाच जिंकले तर नऊ सामन्यांमध्ये त्यांना पराभवाचा सामना करावा लागला. गुणतालिकेत संघ नवव्या स्थानावर आहे.

पॉन्टिंगची गणना आयपीएलमधील यशस्वी प्रशिक्षकांमध्ये केली जाते. मुंबईने 2015 मध्ये त्याच्या मार्गदर्शनाखाली आयपीएल जिंकले होते. त्यानंतर तो दिल्लीत आला आणि त्याने दिल्ली बदलण्यात महत्त्वाची भूमिका बजावली. मात्र, याप्रकरणी अद्याप कोणतीही अधिकृत घोषणा करण्यात आलेली नाही.

गांगुली दिल्लीचा प्रशिक्षक झाला, तर त्याला संघाची धुरा सांभाळण्यात कोणतीही अडचण येणार नाही. तो 2019-20 मध्ये संघाचे क्रिकेट संचालक राहिला आहे. दरम्यान, तो बीसीसीआयचा अध्यक्षही होता आणि याच कारणामुळे त्याला संघाशी संबंध तोडावे लागले. बीसीसीआयचे अध्यक्षपद सोडल्यानंतर तो पुन्हा दिल्ली संघात सामील झाला आणि जुन्या पदावर परतला. आता त्याला नवीन पद मिळू शकते.