तो पाकिस्तानातून हिरो म्हणून आला होता, पण भारत सोडताना तो झिरोच राहिला. पीएसएल म्हणजेच पाकिस्तान सुपर लीगमध्ये सर्वाधिक वर्चस्व गाजवणाऱ्या या फलंदाजाचे आयपीएलच्या खेळपट्टीवर काही चालले नाही. आम्ही बोलत आहोत हॅरी ब्रूकबद्दल, ज्याने पाकिस्तानमध्ये 8 डावात जे केले, ते भारतात 11 डाव खेळूनही करू शकला नाही.
IPL 2023 : पाकिस्तानात हिरो, तर भारतात झिरो, 11 मॅचमध्ये करू शकला नाही 200 धावाही
IPL 2023 च्या लिलावात हॅरी ब्रूकला सनरायझर्स हैदराबादने विकत घेतले. मूळ किंमत फक्त दीड कोटी रुपये होती. परंतु, जेव्हा बोली सुरू झाली, तेव्हा ती लवकरच गगनाला भिडली आणि शेवटी, आयपीएलच्या ऑरेंज आर्मीने त्याला 13.25 कोटी रुपयांना विकत घेतले.
हॅरी ब्रूकवरील या महागड्या बोलीमागील सर्वात मोठे कारण म्हणजे त्याचा पाकिस्तान सुपर लीगमधील धमाका. पीएसएलचे आकडे पाहता, सनरायझर्स हैदराबादनेच त्यांच्यावर नुसती बोली लावली नाही. तर त्यांनी ही शर्यत देखील जिंकली, पण हॅरी ब्रूकला विकत घेण्याच्या हव्यासापोटी राजस्थान रॉयल्स त्यांना कडवी टक्कर देताना दिसले.
हॅरी ब्रूकने पीएसएलच्या 8 डावात 171.42 च्या स्ट्राइक रेटने आणि 52.80 च्या सरासरीने 264 धावा केल्या, ज्यामध्ये नाबाद 102 ही त्याची सर्वोत्तम धावसंख्या होती. पण तोच हॅरी ब्रूक जेव्हा भारतीय खेळपट्ट्यांवर उतरला, तेव्हा त्याला आयपीएलचे 11 सामने खेळून 200 धावा करता आल्या नाहीत. त्याचा स्ट्राइक रेट 123.37 होता आणि त्याची सरासरी 21.11 होती.
इडन गार्डन्सवर केकेआरविरुद्ध शतक झळकावताना हॅरी ब्रूकचे आयपीएलमधील सर्वोत्तम प्रदर्शन केवळ एका डावात दिसून आले. पण, त्याशिवाय त्याला 10 डावात केवळ 90 धावा करता आल्या. आयपीएलमधील ही कामगिरी पाहिल्यानंतर सनरायझर्स हैदराबादला हॅरी ब्रूकचा सौदा खूपच महाग पडला, हे स्पष्ट होते. हॅरी ब्रूकची अनुपस्थिती सनरायझर्स हैदराबादला ग्रुप स्टेजमधून बाहेर पडण्यामागे मोठी बाब ठरली आहे. त्या संघाने आयपीएलच्या 14 पैकी केवळ 4 सामने जिंकले आहेत आणि गुणतालिकेतही ते तळाशी आहे.