सलमान खानचा ‘किसी का भाई किसी की जान’ हा चित्रपट मोठ्या पडद्यावर प्रदर्शित झाला असून या चित्रपटाने वीकेंडलाही चांगली कमाई केली आहे. मात्र, सलमान खानच्या आधीच्या चित्रपटांच्या तुलनेत किसी का भाई किसी की जानचे कलेक्शन सारखे राहिलेले नाही.
या चित्रपटाने पहिल्या वीकेंडला 68 कोटींहून अधिकचा व्यवसाय केला. मात्र, आता चौथ्या दिवशी म्हणजेच सोमवारी चित्रपटाच्या कमाईत मोठी घसरण झाली आहे. साकनिक या वेबसाइटनुसार, सलमान खानच्या किसी का भाई किसी की जानने सोमवारी सुमारे 10.50 कोटींचा व्यवसाय केला आहे. या चित्रपटाच्या कमाईचे हे प्राथमिक आकडे आहेत.
किसी की भाई किसी की जानने पहिल्याच दिवशी 15.81 कोटींचा व्यवसाय केला. त्यानंतर दुसऱ्या दिवशी चित्रपटाच्या कमाईत मोठी झेप नोंदवली गेली आणि त्याने 25.75 कोटी रुपयांची कमाई केली. त्यानंतर रविवारीही 26.61 कोटींची दमदार कमाई केली. म्हणजेच आता चार दिवसांत चित्रपटाची कमाई 78.67 कोटींच्या आसपास पोहोचली आहे.
सलमान खानच्या या चित्रपटाला समीक्षकांचा संमिश्र प्रतिसाद मिळत आहे. सलमानचे चाहते चित्रपटाला मनोरंजन आणि ब्लॉकबस्टर म्हणत असले तरी बॉक्स ऑफिसवर हा चित्रपट अपेक्षेप्रमाणे व्यवसाय करू शकला नाही. चार दिवसांतही हा चित्रपट देशांतर्गत बॉक्स ऑफिसवर 100 कोटींचा व्यवसाय करू शकलेला नाही.
सलमान खान आणि पूजा हेगडे व्यतिरिक्त, दाक्षिणात्य कलाकार व्यंकटेश दग्गुबती, भूमिका चावला, शहनाज गिल, पलक तिवारी, राघव जुयाल, सिद्धार्थ निगम, मालविका शर्मा, जस्सी गिल, विजेंदर सिंग आणि जगपती बाबू किसी भाई किसी की जानमध्ये दिसले होते. या चित्रपटातून अनेक कलाकारांनी पदार्पण केले आहे. या चित्रपटाचे दिग्दर्शन फरहाद सामजी यांनी केले आहे.