सुपरस्टार सलमान खानने आपण आजही बॉक्स ऑफिसवर सुलतान असल्याचे सिद्ध केले आहे. ‘किसी का भाई किसी की जान’बद्दल जे लोक दावा करत होते की, हा चित्रपट बॉक्स ऑफिसवर थंड पडेल. सलमान खानच्या चित्रपटाच्या कमाईने या सगळ्यांना जबरदस्त उत्तर दिले आहे. ‘किसी का भाई किसी की जान’ने बॉक्स ऑफिसवर आपले पाय रोवले आहेत. संथ सुरुवातीनंतर आता चित्रपटाचा वेग वाढला आहे.
सलमान खानच्या ‘किसी का भाई किसी की जान’ या चित्रपटाचे वीकेंडचे आकडे समोर आले आहेत. म्हणजेच तिसऱ्या दिवसाचे आकडे जाणून घेतल्यानंतर भाईजानच्या चाहत्यांच्या चेहऱ्यावर एक मोठे हसू उमटणार आहे. या चित्रपटाने सलमानच्या चाहत्यांच्या अपेक्षांना तडा जाण्यापासून वाचवला आहे. ‘किसी का भाई किसी की जान’च्या सुरुवातीच्या आकड्यांबद्दल बोलायचे झाल्यास, पहिल्या दिवशी चाहत्यांची निराशा झाली. या चित्रपटाने पहिल्या दिवशी केवळ 15 कोटींची कमाई केली.
पण ईद येताच सगळा खेळ बदलला आणि संपूर्ण खेळ सलमान खानच्या हातात गेला. ईदच्या मुहूर्तावर भाईजानचे चाहते चित्रपट पाहण्यापासून स्वत:ला रोखू शकले नाहीत. दुसऱ्या दिवशी या चित्रपटाने 25 कोटींहून अधिकचा व्यवसाय केला. आता अशा परिस्थितीत रविवारची म्हणजेच तिसऱ्या दिवशीची कमाईही समोर आली आहे. सकनिल्‍कच्‍या रिपोर्टनुसार, सलमानच्या चित्रपटाने रविवारी 26.25 कोटींचा बिझनेस केला आहे. यासह आता एकूण संकलन 64.25 कोटी रुपये झाले आहे.
या आकडेवारीमुळे सलमान खानचे मन आनंदित झाले आहे. आदल्या दिवशी सलमान खाननेही चाहत्यांचे मनमोकळे आभार मानले होते. ‘किसी का भाई किसी की जान’ला मिळालेले प्रेम आणि पाठिंबा पाहून भाईजान खूप खूश आहे. आता पूर्ण आठवडा बाकी आहे. अशा परिस्थितीत आता चित्रपटाच्या कमाईचा वेग थोडा कमी होण्याची शक्यता आहे. गेल्या आठवड्यातील लोकांच्या सुट्ट्या संपल्या आहेत. आता पुढच्या वीकेंडपर्यंत सर्वांच्या नजरा या चित्रपटाच्या कलेक्शनवर असतील.