या ईदला सलमान खानने त्याच्या चाहत्यांना एक मोठे गिफ्ट दिले आहे. प्रदीर्घ विलंबानंतर भाईजानचा ‘किसी का भाई किसी की जान’ हा चित्रपट प्रदर्शित झाला आहे. बऱ्याच दिवसांपासून सलमान खानच्या या चित्रपटाची चर्चा होती. शुक्रवारी प्रदर्शित झालेल्या या चित्रपटाला चाहत्यांचा संमिश्र प्रतिसाद मिळाला. या चित्रपटात सलमान खानसोबत पूजा हेगडे मुख्य भूमिकेत आहे. त्याचबरोबर पलक तिवीर, शहनाज गिल आणि भूमिका चावला या अभिनेत्रीही एकत्र दिसत आहेत. सलमान खानच्या चित्रपटाचे पहिल्या दिवशीचे बॉक्स ऑफिस कलेक्शन समोर आले आहे, जाणून घ्या चित्रपटाने पहिल्या दिवशी किती कोटींची कमाई केली.
sacnilk च्या आकडेवारीनुसार, ‘किसी का भाई किसी की जान’ ने रिलीजपूर्वी जवळपास 12 कोटींची कमाई केली आहे. तथापि, ही आकडेवारी अद्याप अंदाजे मानली जात आहे. कारण रात्रीच्या शोनंतर चित्रपटाचे कलेक्शन वाढू शकते. मात्र, पहिल्या दिवशी या चित्रपटाने 18-20 कोटींची कमाई केल्याचा अंदाज वर्तवण्यात आला होता.
किसी का भाई किसी की जान 5700 हून अधिक स्क्रीन्सवर रिलीज झाला आहे. सलमानच्या या चित्रपटासाठी ईद हा मोठा फॅक्टर मानला जात आहे. व्यापार विश्लेषकांच्या मते, 22 आणि 23 एप्रिल रोजी चित्रपटाला गती मिळू शकते. भाईजानच्या चित्रपटाला ईद आणि वीकेंडचा फायदा मिळणार आहे. तरीही, किसी की भाई किसी की जान हा गेल्या काही चित्रपटांच्या कलेक्शनमध्ये खूप पुढे आहे.
सलमान खानचा ‘किसी का भाई किसी की जान’ हा चित्रपट शाहरुख खानच्या पठाणसमोर फारसा टिकू शकला नाही. पठाणने पहिल्या दिवशी 57 कोटींचे जबरदस्त कलेक्शन केले. मात्र, सलमान खानच्या चित्रपटाने नुकताच प्रदर्शित झालेला अजय देवगणचा चित्रपट भोला आणि कार्तिक आर्यनचा चित्रपट शहजादा यांना पहिल्या दिवशीच्या कमाईच्या बाबतीत मागे टाकले आहे. भोलाने पहिल्या दिवशी 11.20 कोटींची कमाई केली होती तर शहजादाने केवळ 6 कोटींची कमाई केली होती. दुसरीकडे, रणबीर कपूरच्या तू झुठी मैं मक्कार या चित्रपटाने पहिल्या दिवशी 15.73 कोटींची कमाई केली.