ताजिकिस्तानचा प्रसिद्ध गायक आणि बिग बॉस 16 फेम अब्दू रोजिक सध्या भारत दौऱ्यावर जाण्याच्या तयारीत आहे. अब्दू 9 वेगवेगळ्या शहरांना भेट देईल. विशेष बाब म्हणजे अब्दू आपल्या दौऱ्याची सुरुवात ऑस्कर विजेता गायक एआर रहमानसोबत करत आहे. 30 एप्रिलपासून, अब्दू देशातील 9 शहरांमध्ये कार्यक्रम सादर करेल, जिथे तो देशातील प्रतिभावान संगीतकारांसोबत स्टेज शेअर करेल.
अब्दु रोजिक याच्या या दौऱ्याची सुरुवात पुण्यापासून होणार आहे. पुण्यात अब्दू प्रसिद्ध संगीतकार ए.आर. रहमानसोबत स्टेज शेअर करेल. याबाबत अब्दू खूप उत्सुक आहे. अब्दू म्हणतो की, तो स्वत:ला खूप भाग्यवान समजतो की त्याला दिग्गज आयकॉन एआर रहमानसोबत परफॉर्म करण्याची संधी मिळत आहे. अब्दू सांगतो की ए.आर. रहमान, त्याची टीम आणि त्यांच्या कुटुंबाने पहिल्या दिवसापासून त्याला पाठिंबा दिला आणि मार्गदर्शन केले.
आपल्या दौऱ्याबद्दल बोलताना अब्दू रोजिक म्हणाला की, मला आणि माझ्या टीमला माझ्यासारख्या आणखी लोकांना संधी द्यायची आहे. मला दौऱ्यातून कोणीतरी त्याच्यातील प्रतिभा ओळखायला हवी आहे. मी कुठून आलो, हे मी कधीही विसरणार नाही. मला ठरवायला खूप वेळ लागला. मात्र, या काळात मिळालेल्या प्रेमाबद्दल आणि संधींबद्दल मी तुमचा मनापासून आभारी आहे, त्यामुळे मी इथपर्यंत पोहोचलो आहे.
अब्दु रोजिकनेही आपल्या इंस्टाग्रामवर या दौऱ्याची माहिती शेअर केली आहे. आपल्या बुर्गिर रेस्टॉरंटच्या लॉन्चिंगसाठी 8 ते 14 मे या कालावधीत मुंबईत असल्याचे त्याने आपल्या पोस्टमध्ये उघड केले आहे. यावेळी तो ग्राहकांना वैयक्तिक बर्गर डिलिव्हरी करेल आणि त्यांना भेटणार आहे. अब्दूने सांगितले की तो हैदराबाद, केरळ, चेन्नई, मुंबई, बेंगळुरू, कोलकाता, राजस्थान आणि दिल्ली या इतर 8 शहरांचा समावेश करणार आहे.
अब्दु रोजिकला सलमान खानच्या बिग बॉस 16 मधून विशेष ओळख मिळाली. अब्दू, साजिद खान आणि शिव ठाकरे यांच्यातील मैत्री घराघरात चर्चेत आली. अब्दुचे निम्रित कौरवर खूप प्रेम होते. घरात राहत असताना अब्दूने आपल्या क्यूटनेसने सलमान खान आणि बिग बॉसच्या सर्व खेळाडूंची मने जिंकली होती. अब्दुचा यू आर वेरी चालक ब्रो हा डायलॉग खूप गाजला.