तो आला, तो खेळला आणि त्याने वर्चस्व गाजवले. आयपीएल 2023 च्या त्याच्या पहिल्याच सामन्यात, त्याने त्याच्या संघाला त्याच्याकडून असलेल्या अपेक्षा पूर्ण केल्या. तो त्याच्या कर्णधाराच्या, त्याच्या संघाच्या अपेक्षांवर खरा उतरला आणि सामन्याचा हिरो बनला. आम्ही बोलत आहोत मोहित शर्मा या खेळाडूबद्दल, जो 935 दिवस आयपीएलच्या मैदानापासून दूर राहिला होता. जरी आयपीएल 2023 मध्ये त्याच्या जर्सीचा रंग बदलला होता. पण तो खेळ त्याने 935 दिवसांपूर्वी जिथे सोडला तिथून उचलला.
2013 साली आयपीएलमध्ये पदार्पण करणाऱ्या मोहित शर्माने IPL 2023 मध्ये गुजरात टायटन्सकडून पहिला सामना खेळला. पंजाब किंग्जविरुद्ध त्याने या संघातून पदार्पण केले. आश्चर्याची गोष्ट म्हणजे, जेव्हा त्याने 935 दिवसांपूर्वी शेवटचा सामना खेळला होता, तेव्हा तो पंजाब फ्रँचायझीविरुद्धही होता.
935 दिवसांपूर्वी म्हणजेच 20 सप्टेंबर 2020 रोजी, मोहित शर्माने शेवटचा आयपीएल सामना दिल्ली कॅपिटल्ससाठी किंग्ज इलेव्हन पंजाब (पंजाब किंग्ज) विरुद्ध खेळला. त्या सामन्यात मोहितने 4 षटकात 45 धावा देत 1 बळी घेतला होता. मात्र, त्यानंतर वडिलांच्या निधनाच्या बातमीने तो हादरला आणि त्याला मध्यंतरी आयपीएल सोडावी लागली.
यानंतर, 13 एप्रिल 2023 च्या संध्याकाळी, मोहित शर्मा आयपीएलमध्ये गुजरात टायटन्सकडून खेळताना दिसला. पंजाब किंग्ज विरुद्धचा हा सामना खेळताना त्याने 4 षटकात 18 धावा देत 2 बळी घेतले. यामध्ये एक विकेट जितेश शर्माची, तर दुसरी विकेट सॅम करणची होती.
आयपीएलमध्ये पुनरागमन करताना, मोहित शर्माला त्याच्या किफायतशीर गोलंदाजीसाठी सामनावीर म्हणून गौरवण्यात आले. मोहितने आपल्या यशाचे श्रेय संघातील वातावरण आणि प्रशिक्षकाला दिले. दुसरीकडे, गुजरात टायटन्सचा कर्णधार हार्दिक पांड्यानेही या कामगिरीचे सर्व श्रेय मोहितच्या मेहनतीला दिले. पांड्या म्हणाला, मोहित आमच्यासोबत नेट बॉलर म्हणून सामील झाला होता. पण, तो त्याच्या वळणाची वाट पाहत होता. आता संधी मिळाल्यावर त्याने चमत्कार केला आहे.