चेन्नई सुपर किंग्जने आयपीएल 2023 मध्ये पहिला विजय मिळवला, पण त्यांचा कर्णधार महेंद्रसिंग धोनी खूश नाही. धोनी आपल्या गोलंदाजांवर संतापला आहे, ज्यांनी दोन सामन्यांमध्ये खूप एकस्ट्रा धावा दिल्या आहेत. लखनौवरील विजयानंतर धोनीने गंमतीत म्हटले की, जर गोलंदाज सुधारले नाहीत, तर त्यांना दुसऱ्या कर्णधाराच्या हाताखाली खेळण्यासाठी तयार राहावे लागेल. धोनीने गमतीने हे म्हटले असले, पण वाईड-नो बॉल टाकण्याची समस्या गंभीर आहे आणि माजी कर्णधार सुनील गावसकर यांनी तो रोखण्यासाठी एक अद्भुत कल्पना दिली.
गावस्कर यांनी असा नियम आणण्याबाबत बोलले आहे, ज्यामुळे गोलंदाजांचा त्रास वाढेल. गावस्करांनी चेन्नई-लखनौ सामन्यादरम्यान सल्ला दिला होता की, गोलंदाजाने सलग दोन वाइड चेंडू टाकले, तर पुढचा चेंडू फ्री हिट मानला पाहिजे. त्यामुळे गोलंदाजांना त्यांच्या रेषेवर लक्ष केंद्रित करण्यास मदत होईल आणि सामन्यात पुन्हा पुन्हा वाईड बॉल पाहण्यास कमी पडेल, असे गावस्कर म्हणाले.
गावस्कर यांनी दोन वाईड चेंडूंवर फ्री हिटबद्दल सांगताच त्यांच्यासोबत बसलेल्या दोन दिग्गज खेळाडूंनी त्याला विरोध करण्यास सुरुवात केली. सायमन डूल आणि इयान बिशप हे गावस्करांसोबत भाष्य करत होते आणि त्यांनी याला फालतू कल्पना म्हणून संबोधले. कोणत्याही गोलंदाजाला वाइड गोलंदाजी करायची नसते, परंतु एखाद्या दिवशी त्याची लय बरोबर नसते, ज्यामुळे या चुका होतात.
दरम्यान चेन्नई सुपर किंग्जच्या गोलंदाजांनी 2 सामन्यात 21 अतिरिक्त धावा दिल्या आहेत. ज्यामध्ये एकूण 16 वाईड आणि 5 नो बॉल आहेत. यापैकी फक्त तुषार देशपांडेने पाच वाईड आणि 4 नो बॉल टाकले आहेत. तुषार देशपांडेने लखनौविरुद्ध तीन नो बॉल टाकले, त्यानंतर धोनी या खेळाडूवर चांगलाच संतापला.
पहिल्या सामन्यातही या खेळाडूची कामगिरी खूपच खराब झाली होती, मात्र तरीही माहीने या गोलंदाजाला संधी दिली. आता तिसऱ्या सामन्यात तुषारला संधी मिळते की नाही हे पाहावे लागेल.