IPL 2023 : रीस टोपलीच्या खांद्याने उडवली आरसीबीची झोप, 4 खेळाडू जखमी

विल जॅक दुखापतीमुळे याआधीच स्पर्धेतून बाहेर पडला आहे. जोश हेझलवूडलाही दुखापत झाली असून तोही एप्रिलमध्ये संघात सामील होण्याची शक्यता आहे. त्याचवेळी स्फोटक फलंदाज रजत पाटीदारही जखमी असून दुखापतीमुळे तो पहिल्या सामन्यातही खेळू शकला नाही. आता आरसीबीचा आणखी एक खेळाडू जखमी झाला आहे.

मुंबई इंडियन्सविरुद्ध क्षेत्ररक्षण करताना वेगवान गोलंदाज रीस टोपली जखमी झाला. एवढेच नाही तर संपूर्ण स्पर्धेतून बाहेर फेकले जाण्याची भीतीही संघाला भेडसावत आहे. टोपलीने मुंबईचा सर्वात महागडा खेळाडू कॅमेरून ग्रीनला त्याच्या दुसऱ्याच षटकात बोल्ड केले, पण त्यानंतर 8व्या षटकात तो शॉर्ट फाईन लेगवर क्षेत्ररक्षण करताना जखमी झाला आणि त्याला मैदानाबाहेर नेण्यात आले.

टोपली याच्या खांद्याला दुखापत झाली आहे. आता आरसीबीचा यष्टीरक्षक फलंदाज दिनेश कार्तिकने त्याच्या दुखापतीबाबत अपडेट दिले आहे. कार्तिकने सांगितले की, टोपलीचा खांदा निखळला होता आणि त्याला सामन्याच्या मध्यभागी स्कॅनसाठी नेण्यात आले होते. कार्तिकने सांगितले की, त्याला वाटते तितके वेदना होत नाहीत. आरसीबी स्टारने असेही सांगितले की तो सध्या त्याच्या फिटनेसबद्दल कोणतेही अपडेट देऊ शकत नाही. त्यासाठी वाट पाहावी लागेल.