UPI अधिभाराबाबत असलेल्या सर्व शंका करा दूर, पैसे कुठे, कसे आणि कशासाठी मोजावे लागणार पैसे, येथे मिळेल प्रत्येकाचे उत्तर

एकमेकांना पैसे पाठवणे असो किंवा बाजारातून दूध, अंडी, भाजीपाला यासारख्या दैनंदिन वस्तू खरेदी करणे असो, UPI द्वारे पेमेंट करण्याचा ट्रेंड झपाट्याने वाढत आहे. मात्र, UPI द्वारे 2,000 रुपयांपेक्षा जास्त व्यवहारांसाठी शुल्क आकारले जात असल्याच्या बातमीने लोकांची झोप उडवली आहे. प्रत्येकाला हे जाणून घ्यायचे आहे की UPI द्वारे केलेले सामान्य व्यवहार किंवा बँकेतून पैसे हस्तांतरित करण्यासाठी शुल्क आकारले जाईल की नाही. मात्र, नॅशनल पेमेंट्स कॉर्पोरेशन ऑफ इंडियाने (NPCI) एक परिपत्रक जारी करून सर्वसामान्यांना कोणतेही शुल्क भरावे लागणार नसल्याचे स्पष्ट केले आहे.

1 एप्रिलपासून UPI ​​वरून पेमेंटबाबत काय होणार आहे ते जाणून घेऊया, ज्याबद्दल लोकांमध्ये बरीच चर्चा आहे. तुमच्याही मनात हे प्रश्न असतील तर काळजी करण्याची गरज नाही. येथे तुम्हाला तुमच्या सर्व प्रश्नांची उत्तरे मिळतील.

1 एप्रिलपासून UPI ​​मध्ये काय होणार बदल?
NPCI ने ताज्या परिपत्रकात म्हटले आहे की, 1 एप्रिलपासून UPI ​​द्वारे व्यापारी व्यवहारांसाठी प्रीपेड पेमेंट इन्स्ट्रुमेंट (PPI) शुल्क आकारले जाईल. परिपत्रकानुसार, 2,000 रुपयांपेक्षा जास्त व्यवहारांवर हे शुल्क आकारले जाईल. केवळ पीपीआय शुल्काबाबत लोकांमध्ये संभ्रम निर्माण झाला आहे.

PPI फी (शुल्क) काय आहे?
PPI शुल्क हे व्यापारी व्यवहारांवर आकारले जाणारे शुल्क आहे. याचा अर्थ PPI द्वारे म्हणजे वॉलेट, क्रेडिट कार्ड इत्यादीद्वारे UPI पेमेंट करण्यावर 1.1% इंटरचार्ज आकारला जाईल. यामुळे व्यवहाराचा खर्च वसूल होण्यास मदत होईल.

शुल्क वसूल कसे होणार?
NPCI ने स्पष्ट केले आहे की हे शुल्क फक्त व्यापारी व्यवहारांवरच आकारले जाईल. हा नियम एकमेकांना पैसे पाठवण्यासाठी किंवा सामान्य खरेदी दरम्यान पेमेंट करण्यासाठी लागू होणार नाही. ज्याप्रमाणे कार्ड पेमेंटवर व्यापाऱ्याच्या दरम्यान शुल्क कापले जाते, त्याचप्रमाणे हे शुल्क UPI प्रणालीमध्ये कापले जाईल. हे शुल्क थेट सर्वसामान्यांना भरावे लागत नाही.

शुल्क कुठे भरायचे?
दूरसंचार, शिक्षण, कृषी, विमा अशा अनेक श्रेणी आहेत ज्यावर हे शुल्क आकारले जाईल. तथापि, श्रेणीनुसार शुल्काचा दर बदलतो. UPI पेमेंट रकमेच्या 1.1% हा सर्वोच्च दर आहे, जो आकारला जाईल. श्रेणीनुसार शुल्काची कमाल मर्यादाही निश्चित करण्यात आली आहे.

बँकेतून पैसे ट्रान्सफर करण्यासाठी शुल्क आकारले जाईल का?
बँकेतून पैसे ट्रान्सफर करण्यासाठी UPI चा मोठ्या प्रमाणावर वापर केला जातो. तुम्ही UPI द्वारे बँकेतून पैसे ट्रान्सफर केल्यास कोणतेही शुल्क भरावे लागणार नाही. NPCI ने म्हटले आहे की बँकेकडून व्यवहारावर म्हणजेच सामान्य UPI पेमेंटवर कोणतेही शुल्क आकारले जाणार नाही. NPCI ने पुढे म्हटले आहे की जर ग्राहकांची इच्छा असेल तर ते UPI अॅपवर रुपे क्रेडिट कार्ड आणि प्रीपेड वॉलेट देखील वापरू शकतात.

नवीन नियमाचा तुमच्यावर कसा होईल परिणाम ?
UPI पेमेंटच्या नियामक संस्थेने एक गोष्ट स्पष्ट केली आहे की सामान्य लोकांना UPI व्यवहारांवर कोणतेही शुल्क भरावे लागणार नाही. म्हणजेच 2,000 रुपयांपेक्षा जास्त रक्कम भरल्यास घाबरण्याची गरज नाही.