3 वर्षात खेळले 7 चेंडू, चारवेळा शून्यावर बाद, हे काय केले पाकिस्तानच्या फलंदाजाने?

रविवारी अफगाणिस्तानविरुद्धच्या दुसऱ्या टी-20 सामन्यात शफिक गोल्डन डक ठरला. फजल हक फारुकीच्या पहिल्याच चेंडूवर तो एलबीडब्ल्यू झाला. यासोबतच शफिकने असा विक्रम आपल्या नावावर केला आहे, जो कोणत्याही फलंदाजासाठी दुःस्वप्न असला तरी शफिकसाठी वास्तव म्हणून समोर आला आहे.

रविवारपूर्वी झालेल्या मालिकेतील पहिल्या टी-20मध्ये शफिक दोन चेंडू खेळूनही खाते न उघडताच बाद झाला. त्यानंतर अजमतुल्लाने त्याला एलबीडब्ल्यू केले. शफीकसाठी टी-20 फॉरमॅटमध्ये पुनरागमन त्याच्या अपेक्षेच्या अगदी उलट आहे.

हा सलग चौथा टी20 सामना आहे, जेव्हा शफीक शून्यावर बाद झाला आहे. या मालिकेतील दोन्ही सामन्यांपूर्वी 2020 मध्ये न्यूझीलंडविरुद्ध खेळल्या गेलेल्या टी-20 मालिकेतील शेवटच्या दोन सामन्यांमध्ये त्याला खातेही उघडण्यात अपयश आले होते. आश्चर्याची बाब म्हणजे गेल्या तीन वर्षांत या खेळाडूने टी-20मध्ये केवळ 7 चेंडू खेळले आहेत.

सलग चार सामन्यांत एकही धाव न काढता पुनरागमन करणारा शफीक पुरुषांच्या टी-20 मधील पहिला खेळाडू ठरला आहे. शफीकला या मालिकेत आणखी एक संधी आहे. तिसऱ्या टी-20 सामन्यासाठी त्याची प्लेईंग इलेव्हनमध्ये निवड झाली, तर ती त्याच्यासाठी शेवटची संधीही ठरू शकते.