एका फोन कॉलने ठरवला पाकिस्तानचा नवा कर्णधार, बाबर आझमची न विचारताच उचलबांगडी!


कर्णधारपदावरून पाकिस्तानात खळबळ उडाली आहे. बाबर आझम आता पाकिस्तान क्रिकेट संघाचा कर्णधार राहणार नसल्याची बातमी आहे. अफगाणिस्तानविरुद्धच्या क्रिकेट मालिकेतून पीसीबी शाहीन शाह आफ्रिदीकडे कर्णधारपद सोपवू शकते. या संदर्भात पाकिस्तान क्रिकेट बोर्डाचे अध्यक्ष नजम सेठी आणि शाहीन शाह आफ्रिदी यांच्यात फोनवर चर्चाही झाली आहे. शाहीन सध्या पीएसएलमध्ये लाहोर कलंदर्सची कमान सांभाळत आहे, जी टूर्नामेंटमधील टेबल टॉपर आहे.

डेली पाकिस्तानने वृत्ताचा हवाला देत म्हटले आहे की, पीसीबी अध्यक्षांनी शाहीन आफ्रिदीशी फोनवर बोलले आणि त्याला पाकिस्तानचा कर्णधार बनण्याची ऑफर दिली. बातमीनुसार, नजम सेठीकडून मिळालेली ही ऑफर शाहीननेही स्वीकारली आहे.

वास्तविक, जेव्हा नजम सेठी यांनी फोनवर शाहीन शाह आफ्रिदीसमोर पाकिस्तानचा कर्णधार होण्याचा प्रस्ताव ठेवला, तेव्हा त्याने थोडा वेळ घेतला आणि नंतर कर्णधार होण्यास संमती दर्शवली. अफगाणिस्तानविरुद्धच्या मालिकेतून बाबर आझमला विश्रांती देण्याच्या मनस्थितीत पीसीबी असल्याचेही अहवालात म्हटले आहे आणि, या प्रकरणात शाहीन पाक संघाचा कर्णधार होऊ शकतो.

मात्र, याबाबत बाबर आझम यांना अद्याप कोणतीही माहिती नाही. या संपूर्ण प्रकरणावर त्यांनी आपली प्रतिक्रिया दिली आहे. बाबरने पाकिस्तान क्रिकेट बोर्डावर स्वतःला अंधारात ठेवल्याचा आरोप केला आहे. तो म्हणाला, शाहीन शाह आफ्रिदीला कर्णधार बनवण्यास त्याचा कोणताही आक्षेप नाही, पण पीसीबीने त्याला याबद्दल सांगायला हवे होते.

अफगाणिस्तानविरुद्धच्या मालिकेसाठी पाकिस्तानचा संघ लाहोरमध्ये निवडला जाणार आहे, ज्यामध्ये सैम अयुब, आझम खान, एहसानुल्लाब आणि इमाद वसीम यांचीही निवड झाल्याची माहिती आहे. उभय देशांमधील 3 सामन्यांची ही मालिका 24 मार्चपासून सुरू होणार आहे. दुसरा आणि तिसरा सामना 26 आणि 27 मार्च रोजी शारजाह, UAE येथे होणार आहे.