मृत्यूनंतर आधार, पॅन आणि मतदार ओळखपत्राचे काय होते? जाणून घ्या, अन्यथा होईल त्रास

त्यादरम्यान सर्व कागदपत्रांशी संबंधित औपचारिकता पूर्ण कराव्या लागतात. अशा परिस्थितीत जर तुमचा कागदपत्र हरवला असेल किंवा त्याचा गैरवापर झाला असेल. मग तुमचे मोठे नुकसान होऊ शकते. त्यामुळेच सरकार वेळोवेळी आवाहन करत असते की अशा कागदपत्रांची माहिती प्रत्येकाला देऊ नये. परंतु, एखाद्या व्यक्तीचा मृत्यू झाला की, मृत व्यक्तीच्या महत्त्वाच्या कागदपत्रांचे काय करायचे, असा प्रश्न मनात निर्माण होतो. जर तुमच्याही मनात हा प्रश्न निर्माण होत असेल तर आज आम्ही तुम्हाला सांगणार आहोत की मृत्यूनंतर पॅन कार्ड आणि आधार कार्डचे काय करावे.

पॅन कार्ड
2023 च्या अर्थसंकल्पात, अर्थमंत्री निर्मला सीतारामन यांनी घोषणा केली की पॅन कार्ड आता व्यावसायिक ओळखपत्र म्हणून वापरले जाईल. तुम्हाला कोणतेही आर्थिक काम पूर्ण करायचे असेल तर त्यासाठी पॅनकार्ड असणे अत्यंत गरजेचे आहे. अशा परिस्थितीत, एखाद्याच्या मृत्यूनंतर पॅन कार्डची काळजी घेणे खूप महत्वाचे आहे, अन्यथा नंतर कोणीतरी त्याचा फायदा घेऊ शकते. तुमच्या कुटुंबातील एखाद्या व्यक्तीचा मृत्यू झाला असेल, तर तुम्ही आयकर विभागाशी संपर्क साधून त्याचे पॅनकार्ड तात्काळ सरेंडर करावे. सरेंडर करण्यापूर्वी, या कार्डशी लिंक केलेली सर्व खाती इतरांच्या नावे हस्तांतरित करा.

आधार कार्ड
UIDAI ने जारी केलेले आधार कार्ड हे युनिव्हर्सल आयडी आहे. प्रत्येक सरकारी योजनेचा लाभ घेण्यासाठी हा महत्त्वाचा दस्तावेज आहे. अशा परिस्थितीत एखाद्या व्यक्तीचा मृत्यू झाल्यास त्याचे आधार कार्ड सरेंडर करण्याचा पर्याय सध्या उपलब्ध नाही. पण, तुम्ही ते लॉक करू शकता. जेणेकरून कोणीही त्याचा गैरवापर करू शकणार नाही.

मतदार ओळखपत्र
निवडणुकीत मतदान करण्यासाठी मतदार कार्डाचा वापर केला जातो. म्हणूनच 18 वर्षांवरील प्रत्येक व्यक्तीसाठी हे असणे खूप महत्वाचे आहे. दुसरीकडे, जर एखाद्या व्यक्तीचा मृत्यू झाला, तर तुम्ही त्याचे मतदार ओळखपत्र रद्द करू शकता. यासाठी निवडणूक आयोगाच्या कार्यालयात जाऊन फॉर्म-7 भरावा लागेल. त्यानंतर त्या व्यक्तीचा मतदार ओळखपत्र रद्द केला जाईल.