T20 विश्वचषकाच्या उपांत्य फेरीत भारतीय संघाचा सामना ऑस्ट्रेलियाशी होणार आहे. उभय संघांमधील हा महत्त्वाचा सामना केपटाऊन येथील न्यूलँड्स मैदानावर होणार आहे. या सामन्यात ऑस्ट्रेलियाला हरवण्यासाठी भारतीय संघ सर्वस्व पणाला लावण्यासाठी सज्ज झाला आहे. परिस्थिती अशी असली तरी ऑस्ट्रेलियाला एकही चेंडू न खेळता जिंकण्याची संधी आहे.
या विश्वचषकात पावसाने अनेक संघांचा खेळ खराब केला आहे. भारताच्या मागील आयर्लंडविरुद्धच्या सामन्यात पावसाच्या व्यत्ययामुळे सामन्याचा निकाल डीएलएसने लावला होता. गुरुवारीही असे झाले तर भारताचे नुकसान होऊ शकते.
पावसामुळे सामन्यात एकही चेंडू टाकला गेला नाही, म्हणजे सामना रद्द झाला, तर ऑस्ट्रेलियाला थेट अंतिम फेरीत प्रवेश मिळेल. ऑस्ट्रेलियाने गट फेरीतील त्यांचे सर्व सामने जिंकले आहेत तर भारताने चारपैकी एक सामना गमावला आहे. टीम इंडियाचा इंग्लंडकडून पराभव झाला होता.
आयसीसीच्या नियमांनुसार, सामना रद्द झाल्यास, गटात अव्वल स्थानी असलेला संघ किंवा सर्वाधिक सामने जिंकणारा संघ अंतिम फेरीत पोहोचेल. अ गटात ऑस्ट्रेलिया अव्वल स्थानावर होता, त्यामुळेच सामना रद्द झाल्यास थेट अंतिम फेरीत पोहोचेल.
सामन्याचा निकाल असा ड्रॉ व्हावा अशी भारताची इच्छा नाही. टीम इंडियामध्ये ऑस्ट्रेलियाला पराभूत करण्याची ताकद आहे आणि ती मैदानावर स्वत:ला सिद्ध करण्यासाठी उत्सुक आहे. गेल्या टी-20 विश्वचषकाच्या अंतिम सामन्यात ऑस्ट्रेलियाकडून त्याचा पराभव झाला होता. यावेळी त्यांना ते नको असेल.