ऑस्ट्रेलियन संघ भारताच्या दौऱ्यावर असून, 9 फेब्रुवारीपासून दोन्ही संघांमध्ये चार सामन्यांची कसोटी मालिका सुरू होत आहे. गेल्या 75 वर्षात ऑस्ट्रेलियातील अनेक महान गोलंदाजांनी भारताचा दौरा केला आहे परंतु सर्वांनाच फारसे यश मिळालेले नाही. ग्लेन मॅकग्रा आणि शेन वॉर्नसारख्या महान गोलंदाजांनाही अडचणीचा सामना करावा लागला होता. यामुळेच 62 वर्षांपासून कायम असलेला हा विक्रम अद्याप मोडीत निघालेला नाही.
भारताविरुद्ध सर्वाधिक कसोटी बळी घेणारा ऑस्ट्रेलियन गोलंदाजाचा हा विक्रम आहे. हा विक्रम कांगारू देशाचा माजी दिग्गज लेग-स्पिनर रिची बेनॉच्या नावावर आहे, ज्याने 1956 ते 1960 दरम्यान केवळ 8 कसोटी सामन्यांमध्ये 56 बळी घेतले होते. तेव्हापासून आजपर्यंत हा विक्रम अबाधित आहे.
त्याच्यानंतर नॅथन लियॉन दुसऱ्या क्रमांकावर आहे, जो यावेळीही संघासोबत आहे आणि त्याला हा विक्रम मोडण्याची संधी आहे. तथापि, हे इतके सोपे होणार नाही, कारण लायनच्या 7 सामन्यात केवळ 34 विकेट आहेत.
तिसऱ्या क्रमांकावर माजी वेगवान गोलंदाज ग्रॅहम मॅकेन्झी आहे, ज्याने 1964 ते 1969 या कालावधीत 8 सामन्यात 34 विकेट घेतल्या होत्या.
महान लेगस्पिनर शेन वॉर्नला भारतात खूप अडचणींचा सामना करावा लागला आणि त्याला सहज विकेट्स मिळाल्या नाहीत. वॉर्नने 9 सामन्यांच्या 16 डावात 34 विकेट घेतल्या परंतु त्याची सरासरी 43 आणि स्ट्राइक रेट 81 होता, जो शीर्ष 5 गोलंदाजांमध्ये सर्वात वाईट होता.
2004 मध्ये ऑस्ट्रेलियाने भारतात शेवटची कसोटी मालिका जिंकली होती आणि त्यात वेगवान गोलंदाज जेसन गिलेस्पीची मोठी भूमिका होती. या वेगवान गोलंदाजाने भारतातील 7 कसोटी सामन्यांमध्ये 47 च्या उत्कृष्ट स्ट्राईक रेट आणि 21 च्या सरासरीने 33 बळी घेतले होते.