यावर्षी भारतात होणाऱ्या एकदिवसीय विश्वचषक स्पर्धेसाठी थेट पात्र होण्याच्या प्रयत्नात असलेला दक्षिण आफ्रिकेचा संघाने स्वतःच्या पायावर दगड मारुन घेतला आहे. इंग्लंडविरुद्धची एकदिवसीय मालिका जिंकूनही दक्षिण आफ्रिकेच्या स्पर्धेसाठी पात्र होण्याच्या संधींना मोठा फटका बसला असून यामागचे कारण स्वतःची चूक आहे.
इंग्लंडविरुद्धच्या मालिकेतील पहिले दोन सामने जिंकल्यानंतर, टेम्बा बावुमाच्या नेतृत्वाखालील संघ चांगल्या स्थितीत असल्याचे दिसत होते, परंतु बुधवार, 1 फेब्रुवारीला जोफ्रा आर्चरच्या 6 विकेट्सच्या जोरावर इंग्लंडने शेवटची एकदिवसीय सामना जिंकून एकदिवसीय सामन्यात विजय मिळवला.
यानंतरही दक्षिण आफ्रिकेला चांगली संधी होती, मात्र पराभवाच्या एका दिवसानंतर त्यांचे मोठे नुकसान झाले आहे. तिसऱ्या एकदिवसीय सामन्याचे रेफ्री जेफ क्रो यांनी दक्षिण आफ्रिकेच्या संघाच्या मॅच फीच्या 20 टक्केच कपात केली नाही, तर स्लो ओव्हर रेटसाठी दोषी आढळल्यानंतर त्यांच्याकडून एक गुणही कापला.
ODI सुपर लीग अंतर्गत, संघांना विश्वचषक स्पर्धेसाठी थेट पात्रता मिळवण्यासाठी पहिल्या 8 मध्ये स्थान मिळवावे लागले. यापैकी 7 संघ थेट पात्र ठरले आहेत, परंतु दक्षिण आफ्रिकेला अद्याप यश मिळालेले नाही आणि ते वेस्ट इंडिजनंतर नवव्या स्थानावर आहेत.
या सामन्यापूर्वी दक्षिण आफ्रिकेचे सुपर लीगमध्ये 79 गुण होते. सामना गमावल्यामुळे, दक्षिण आफ्रिकेचा संघ अधिक गुण मिळविण्यापासून मुकला, आता वरून 1 गुण गमावल्यामुळे त्यांचे फक्त 78 गुण शिल्लक आहेत.
दक्षिण आफ्रिकेला आता नेदरलँड्सविरुद्ध 2 एकदिवसीय सामने खेळायचे आहेत आणि जर त्यांना पात्रता हवी असेल, तर हे दोन्ही सामने जिंकावे लागतील. याशिवाय त्यांना श्रीलंका आणि आयर्लंडचा पराभवही करावा लागणार आहे.