तुम्ही पॅन कार्डधारक असाल तर ही बातमी तुमच्यासाठी उपयुक्त आहे. आयकर विभाग अनेकदा पॅनकार्डसंदर्भात नवीन माहिती अपडेट करत असतो. परंतु, नुकतेच प्राप्तिकर विभागाने असे एक अपडेट जारी केले आहे, ज्याबद्दल बऱ्याच काळापासून सल्ला दिला जात आहे. प्राप्तिकर विभागाने एक नोटीस जारी करून म्हटले आहे की, पुढील आर्थिक वर्षापूर्वी तुमचे पॅन आणि आधार कार्ड लिंक करणे अत्यंत महत्त्वाचे आहे.
जर तुम्ही तुमचे पॅन कार्ड आधार कार्डशी लिंक केले नाही, तर तुमचे पॅनशी संबंधित काम अडकू शकते. तुम्ही पॅनला आधारशी लिंक न केल्यास तुम्हाला खूप त्रास सहन करावा लागू शकतो.
आयकर कार्यालयाच्या वतीने यावर्षी १७ जानेवारीला ट्विट करून 31 मार्च 2023 पूर्वी आधार कार्ड आणि पॅन कार्ड लिंक करा, असे सांगण्यात आले आहे. हे करणे अनिवार्य असून, जर तुम्ही तुमचा पॅन आधारशी लिंक केला नाही, तर तुम्हाला त्रासाला सामोरे जावे लागू शकते.
ट्विटमध्ये लिहिले आहे की, प्राप्तिकर कायदा 1961 नुसार, सर्व पॅनधारक जे सूट श्रेणीत येत नाहीत, त्यांनी 31.03.2023 पूर्वी त्यांचे पॅन आधारशी लिंक करावे. जी पॅनकार्डे आधारशी लिंक केलेली नाहीत, अशी पॅनकार्ड 01.04.2023 पासून रद्द केली जातील.
आजच्या युगात पॅनकार्ड हे अत्यंत महत्त्वाचे दस्तऐवज आहे. अशा परिस्थितीत पॅनकार्डबाबत कोणताही निष्काळजीपणा तुम्हाला भारी पडू शकतो. आयकर विभागाने पॅन कार्ड आणि आधार कार्ड लिंक करण्याचा आग्रहही धरला आहे.
आम्ही तुम्हाला सांगतो, तुमच्या पॅन कार्डवर 10-अंकी क्रमांक नोंदणीकृत आहे, या क्रमांकाद्वारे आयकर विभाग पॅनधारकांचा संपूर्ण आर्थिक डेटा संग्रहित करतो. अशा परिस्थितीत आयकर विभागाच्या या सूचनेकडे दुर्लक्ष करणे तुम्हाला महागात पडू शकते. त्यामुळे तुम्ही वेळेत तुमचा पॅन आधारशी लिंक करा.
आयकर विभाग आणि सरकारने लोकांना आवाहन केले आहे की, जर तुम्ही अद्याप पॅन आणि आधार कार्ड लिंक केले नसेल तर ते नक्की करा. जर तुम्ही असे केले नाही तर 1 एप्रिलनंतर तुमचे कार्ड निष्क्रिय केले जाईल आणि जर कार्ड निष्क्रिय केले तर तुम्हाला आयकर भरण्यात अडचणी येऊ शकतात. याशिवाय, तुम्ही म्युच्युअल फंडात गुंतवणूक, शेअर बाजार ट्रेडिंग आणि बँक खाती उघडणे यासारख्या गोष्टी करू शकणार नाही.
आयकर विभागाने थेट नोटीस बजावली असे नाही. याआधीही अनेकवेळा विभागाकडून पॅन कार्ड आधार कार्डशी लिंक करण्यास सांगितले गेले आहे.