तिरुअनंतपुरमच्या ग्रीनफिल्ड स्टेडियमवर श्रीलंकेविरुद्धच्या तिसऱ्या एकदिवसीय सामन्यात भारतीय क्रिकेट संघाने मोठी धावसंख्या उभारली. विराट कोहलीच्या सर्वोत्तम शतकाच्या जोरावर टीम इंडियाने 50 षटकात 5 विकेट गमावून 390 धावा केल्या आहेत. कोहलीने 166 धावांची नाबाद खेळी खेळली. त्याच्याशिवाय सलामीवीर शुभमन गिलनेही शतक झळकावले.

विराट कोहलीने आपल्या खेळीत 110 चेंडूंचा सामना केला आणि 13 चौकारांसह 8 षटकार ठोकले. गिलने 97 चेंडूंचा सामना करत 14 चौकार आणि दोन षटकार मारले. गिलचे वनडे कारकिर्दीतील हे दुसरे शतक होते. यापूर्वी त्याने झिम्बाब्वेविरुद्ध शतक झळकावले होते. त्याचबरोबर कोहलीची वनडेतील ही दुसरी सर्वोच्च धावसंख्या आहे.

या सामन्यात भारतीय कर्णधार रोहित शर्माने नाणेफेक जिंकून फलंदाजीचा निर्णय घेतला. रोहित आणि गिलने टीम इंडियाला वेगवान सुरुवात करून दिली. दोघांनीही श्रीलंकेच्या गोलंदाजांना वरचढ होऊ दिले नाही. मात्र, 95 धावांवर भारताची पहिली विकेट गेली. रोहितला बाद करून चमिका करुणारत्नेने भारताला पहिला धक्का दिला. रोहितने 49 चेंडूत 42 धावा केल्या. त्याने आपल्या खेळीत दोन चौकार आणि तीन षटकार मारले. यानंतर गिल आणि कोहलीने विकेटवर आपले पाय रोवले आणि श्रीलंकेच्या गोलंदाजांची जोरदार मुसंडी मारली. या दोघांनी दुसऱ्या विकेटसाठी 131 धावांची भागीदारी केली.

गिलने आपले शतक पूर्ण केले होते आणि 226 धावांच्या एकूण धावसंख्येवर तो कसून रचिताने बोल्ड झाला. गिलने रचिताचा चेंडू मारण्याचा प्रयत्न केला पण तो चुकला आणि बोल्ड झाला.