भारतीय क्रिकेट संघाचा धडाकेबाज फलंदाज ऋषभ पंत 30 डिसेंबर रोजी कार अपघाताचा बळी ठरला होता. तेव्हापासून ऋषभवर रुग्णालयात उपचार सुरू आहेत. अलीकडेच ऋषभ पंतला डेहराडूनहून एअरलिफ्ट करून मुंबईतील कोकिलाबेन धीरूभाई अंबानी रुग्णालयात दाखल करण्यात आले आहे. दरम्यान, हिंदी चित्रपटसृष्टीतील प्रसिद्ध अभिनेत्री उर्वशी रौतेला हिने ऋषभ पंतला भेटण्यासाठी रुग्णालयात दाखल झाल्याचा फोटो सोशल मीडियावर शेअर केला आहे.
ऋषभ पंतला भेटायला आली होती का उर्वशी रौतेला ?
ऋषभ पंतच्या कार अपघातानंतर बॉलीवूड अभिनेत्री उर्वशी रौतेलाने त्याच्यासाठी अनेकवेळा सलमतीचे आशीर्वाद मागितले आहेत. एवढेच नाही तर उर्वशीची आई मीरा सिंह रौतेला यांनीही ऋषभ पंतला लवकर बरे होण्यासाठी शुभेच्छा दिल्या आहेत. सध्या मुंबईतील कोकिलाबेन धीरूभाई अंबानी रुग्णालयात ऋषभ पंतवर उपचार सुरू आहेत. त्याचवेळी उर्वशी रौतेला या निमित्ताने हेडलाईन बनण्यापासून मागे कशी राहणार.
खरं तर, गुरुवारी उर्वशी रौतेलाने तिच्या अधिकृत इंस्टाग्राम हँडलवर स्टोरीमध्ये या हॉस्पिटलचा फोटो शेअर केला, ज्यामध्ये ऋषभवर उपचार सुरू आहेत. अशा परिस्थितीत आता उर्वशी रौतेला ऋषभ पंतला भेटण्यासाठी हॉस्पिटलमध्ये पोहोचली आहे की काय अशी चर्चा सोशल मीडियावर रंगली आहे. तसेच अनेक युजर्स उर्वशी रौतेलाला यामुळे ट्रोल करत आहेत.
ट्रोल झाली उर्वशी रौतेला
अनेक लोक उर्वशी रौतेलाला सोशल मीडियावर ट्रोल करत आहेत कारण त्यांचा असा विश्वास आहे की बी-टाऊन अभिनेत्री क्रिकेट ऋषभ पंतच्या नावाने प्रसिद्धी मिळवण्याचे काम करत आहे. दरम्यान, एका ट्विटर यूजरने ट्विट करत लिहिले आहे की, ही मुलगी वेडी आहे का? आणखी एका युजरने लिहिले आहे की, प्रसिद्धी मिळविण्याचा हा काय खराब मार्ग आहे. तो एका मोठ्या अपघातातून गेल्याची माहिती आहे. ते आता मनोरंजनाचे साधन राहिलेले नाही. उलट मानसिक छळाचा विषय आहे. अशाप्रकारे युजर्स उर्वशीला सुनावत आहेत.