भारतीय संघाचा यष्टीरक्षक फलंदाज संजू सॅमसन गुडघ्याच्या दुखापतीमुळे श्रीलंकेविरुद्धच्या टी-20 मालिकेतून बाहेर पडला आहे. त्याच्या जागी जितेश शर्माचा भारतीय संघात समावेश करण्यात आला आहे. मुंबईतील मालिकेतील पहिल्या सामन्यात क्षेत्ररक्षण करताना सॅमसनच्या गुडघ्याला दुखापत झाली होती. पहिल्या T20 सामन्यादरम्यान, सॅमसनला सीमारेषेजवळ चेंडू रोखण्याचा प्रयत्न करताना त्याच्या डाव्या गुडघ्याला दुखापत झाली होती. बीसीसीआयचे वैद्यकीय पथक त्याला स्कॅनसाठी मुंबईत घेऊन गेले असता त्याला विश्रांतीचा सल्ला देण्यात आला आहे.
या मालिकेतील पहिल्या सामन्यात सॅमसन केवळ पाच धावा करून बाद झाला होता, मात्र गोलंदाजांच्या चमकदार कामगिरीमुळे टीम इंडियाने हा सामना 2 धावांनी जिंकला. यासह भारत तीन सामन्यांच्या मालिकेत 1-0 ने आघाडीवर आहे. सॅमसनच्या जागी विदर्भाचा यष्टीरक्षक-फलंदाज जितेश शर्माचा भारतीय संघात समावेश करण्यात आला आहे. पुढील दोन सामन्यांसाठी तो इशान किशनला कव्हर असेल.
बीसीसीआयच्या एका सूत्राने सांगितले की, सॅमसन काही स्कॅन्ससाठी मुंबईत परतला आहे. होय, जितेश संघात सामील होत आहे. आयपीएलमध्ये पंजाब किंग्जकडून केलेल्या कामगिरीबद्दल त्याला बक्षीस मिळाले आहे.
सॅमसनच्या दुखापतीमुळे राहुल त्रिपाठीला पदार्पणाची संधी मिळू शकते. आयपीएलमध्ये सातत्यपूर्ण कामगिरी करणारा त्रिपाठी गेल्या काही काळापासून संघासोबत आहे, पण त्याने आतापर्यंत एकही सामना खेळलेला नाही. मात्र, पहिल्या सामन्यात सॅमसन खूपच कमी फलंदाजीला आला आणि राहुल त्रिपाठीने क्रमवारीत वरच्या क्रमांकावर फलंदाजी करणे पसंत केले. अशा स्थितीत जितेश शर्माला थेट भारताकडून खेळण्याची संधी मिळू शकते.
कोण आहे जितेश शर्मा?
जितेश शर्माने 12 आयपीएल सामन्यांच्या 10 डावात 234 धावा केल्या आहेत. यादरम्यान त्याची सरासरी 29.25 इतकी आहे. त्याने 163.64 च्या प्रभावी स्ट्राइक रेटने धावा केल्या आहेत आणि 44 धावा ही त्याची सर्वात मोठी खेळी आहे. पंजाब किंग्जकडून जितेश शर्माने चमकदार कामगिरी केली आहे. देशांतर्गत क्रिकेटमधील स्फोटक फलंदाजीसाठीही तो ओळखला जातो. 29 वर्षीय जितेशची आयपीएल 2022 मध्ये पंजाबसाठी खालच्या ऑर्डरमध्ये स्फोटक फलंदाजी होती. भारतासाठीही तो असाच चमत्कार करू शकतो.
श्रीलंकेविरुद्धच्या T20 मालिकेसाठी भारताचा सध्याचा संघ
हार्दिक पंड्या (कर्णधार), इशान किशन (यष्टीरक्षक), ऋतुराज गायकवाड, शुबमन गिल, सूर्यकुमार यादव (उपकर्णधार), दीपक हुडा, राहुल त्रिपाठी, जितेश शर्मा (यष्टीरक्षक), वॉशिंग्टन सुंदर, युझवेंद्र चहल, अक्षर पटेल, अर्शदीप सिंग, हर्षल पटेल, उमरान मलिक, शिवम मावी, मुकेश कुमार.