गुजरातमध्ये 2022 च्या विधानसभा निवडणुकीत झालेल्या पराभवामुळे काँग्रेसला दुहेरी धक्का बसला आहे. काँग्रेसला यावेळी मानहानीकारक पराभव तर सोसावा लागला आहेच, पण देशातील सर्वात जुन्या पक्षाला विधानसभेतील विरोधी पक्षनेतेपदही गमवावे लागले आहे.
तसे पाहता, गुजरातच्या इतिहासातील काँग्रेसची ही सर्वात निराशाजनक कामगिरी आहे, जेव्हा ती २० च्या आकडा हि पार करू शकली नाही. 182 विधानसभेच्या जागा असलेल्या देशाच्या या पश्चिमेकडील राज्यात काँग्रेसला केवळ 16 जागांवर विजय मिळताना दिसत आहे.
विशेष म्हणजे, विरोधी पक्षनेतेपद मिळविण्यासाठी कोणत्याही विरोधी पक्षाला सभागृहातील एकूण जागांपैकी किमान 10 टक्के जागा जिंकणे आवश्यक आहे, जे गुजरातच्या बाबतीत किमान 19 जागा असेल.
केंद्रातही गेल्या दोन लोकसभा निवडणुकांमधील खराब कामगिरीमुळे काँग्रेसला विरोधी पक्षनेतेपदाची खुर्ची मिळू शकलेली नाही. 2014 मध्ये, 543 जागांच्या लोकसभेत काँग्रेसला केवळ 44 जागा मिळाल्या होत्या आणि मल्लिकार्जुन खर्गे यांच्याकडे विरोधी पक्षनेतेपदाची मागणी करण्यात आली तेव्हा तत्कालीन सभापती सुमित्रा महाजन यांनी नियमांचा हवाला देत नकार दिला.
यानंतर 2019 मध्येही काँग्रेसला केवळ 52 जागा जिंकता आल्या, तर विरोधी पक्षनेतेपद मिळवण्यासाठी लोकसभेत किमान 55 जागांची आवश्यकता होती .