नवी दिल्ली – चार्जरशिवाय स्मार्टफोन विकणे हा सध्या ट्रेंड बनला आहे. ही मालिका Apple ने सुरु केली होती, पण आता Samsung, Google आणि Xiaomi ने देखील चार्जरशिवाय त्यांचे अनेक स्मार्टफोन लॉन्च करण्यास सुरुवात केली आहे. मात्र, अॅपलचा स्मार्टफोन चार्जरशिवाय विकणे महाग झाले आहे. या कारणास्तव, ब्राझील सरकारने अॅपलला $20 मिलियन म्हणजेच सुमारे 164 कोटी रुपयांचा दंड ठोठावला आहे.
अॅपलने ग्राहकांना त्यांच्या आयफोनसोबत चार्जर न देता तोच फोन वापरण्यासाठी दुसरे उत्पादन घेण्यास भाग पाडले आहे, असा निर्णय ब्राझीलच्या न्यायालयाच्या न्यायाधीशांनी दिला आहे.
ब्राझीलने अॅपलला दिला मोठा धक्का
ब्राझीलने यापूर्वीही अॅपलला या प्रकरणात अनेक धक्के दिले आहेत. ब्राझीलने गेल्या महिन्यात अॅपलला $2.5 दशलक्ष दंडही ठोठावला. आयफोन 14 सीरीज लाँच होण्यापूर्वी म्हणजेच गेल्या महिन्यापासून ब्राझीलने देशभरात चार्जरशिवाय आयफोनची विक्री बंद केली होती. याशिवाय एकदा आयफोनसोबत चार्जर न दिल्याने ब्राझील सरकारने अॅपलला 15 कोटी रुपयांचा दंड ठोठावला होता.
याशिवाय, याच कारणांमुळे ब्राझीलच्या न्याय मंत्रालयाने अॅपलला गेल्या महिन्यात $2.5 मिलियनचा अतिरिक्त दंडही ठोठावला आहे. आम्ही तुम्हाला सांगतो की, अॅपलला केवळ ब्राझीलमध्येच नाही, तर जगभरातील अनेक देशांमध्ये दंड ठोठावण्यात आला आहे. फ्रान्स हा त्यापैकीच एक. आयफोनसोबत चार्जर न दिल्याने फ्रान्सनेही अॅपलला दंड ठोठावला आहे.
2024 पर्यंत सर्व फोनमध्ये असेल चार्जर !
याशिवाय अॅपलला गेल्या आठवड्यात आणखी एक धक्का बसला आहे. युरोपियन युनियनने अलीकडेच म्हटले आहे की 2024 च्या अखेरीस, सर्व डिव्हाइसेसमध्ये टाइप-सी पोर्टसह एकच चार्जर असेल. आम्ही तुम्हाला सांगतो की सध्या बहुतेक अँड्रॉइड फोन टाइप-सी चार्जिंग पोर्टसह येऊ लागले आहेत. याशिवाय टाईप-सी चार्जिंग पोर्टसह अनेक इअरबड, नेकबँड आणि लॅपटॉप देखील येऊ लागले आहेत. आता जर आयफोनच्या बाबतीतही असे घडले, तर अॅपलला आपल्या सर्व उत्पादनांच्या डिझाइनमध्ये बदल करावे लागतील आणि यामुळे त्याचा मोठा फटका बसू शकतो.